Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Malaekat se abu-dhabu ka sengko’ jareya rabu pole, sengko’ pas ejagai akantha se ajagai oreng se teppa’na tedhung.
2 "Apa se etangale’e ba’na?" ca’na dhabuna. "Ko’-tongko’na damar dhari emmas," saodda sengko’. "E konco’ attassa badha baddhana mennya’na, e sakalenglengnga badha damarra papetto’, saneyap damar badha baddhana sombuna papetto’.
3 E kangan kacerra ko’-tongko’na damar gapaneka badha bungkana jaitun dhadhuwa’."
4 Saellana jareya sengko’ atanya ka malaekat jareya, "Parsemmonna ponapa rang-barang gapaneka, guste?"
5 "Apa ba’na ta’ tao?" ca’na dhabuna ka sengko’. "Bunten, guste," saodda sengko’.
6 Malaekat jareya makon sengko’ manapa’ pessenna PANGERAN ka Zerubabil kantha reya, "Ba’na bakal ahasela banne kalaban kakowadanna militer ban banne kalaban kakowadanna ba’na dibi’, tape kalaban Tang Erroh.
7 Alangan se ngaddhang akantha gunong sakale rajana bakal epanyeseya dhari adha’anna ba’na. Ba’na bakal maddegga pole Tang Padalemman, ban e bakto ba’na masang bato otamana e kennengnganna, reng-oreng bakal aera’a, ‘Bagussa!’"
8 Pas badha pessen laenna pole dhari PANGERAN.
9 Dhabuna, "Zerubabil la masang dhasarra Tang Padalemman, ban mamareya bangonan jareya. Mon jareya la kalakon, Tang ommat bakal taowa ja’ Sengko’ se ngotos ba’na ka reng-oreng jareya, Zakhariya.
10 (4-10a) Badha se ngece kadaddiyan jareya. Tape reng-oreng jareya bakal nangaleyana Zerubabil materrosa se maddek Tang Padalemman, ban reng-oreng jareya bakal peraga." (4-10b) Malaekat jareya adhabu ka sengko’, "Damar se papetto’ jareya socana PANGERAN se papetto’ se ngoladi saantero bume."
11 Saellana jareya sengko’ atanya pole ka salerana, "Ponapa arteepon bungkana jaitun se dhadhuwa’ e kangan kacerra damar gapaneka?
12 Jugan ponapa arteepon ranca’na jaitun se dhadhuwa’ e erenganna pipa emmas se dhadhuwa’ se magili mennya’ jaitun gapaneka?"
13 Saodda ka sengko’, "Apa ba’na ta’ tao?" "Bunten," ca’na sengko’.
14 Malaekat jareya adhabu, "Jareya oreng kadhuwa se epele Pangeranna alam dunnya ban epadaddi pangladinna Salerana."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA