Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Malekat si nggo pernah ngerana ras aku e reh ka mulihi, jenari ingetina aku tempa-tempa tunduh aku ndube nari.

² Isungkunna aku nina, "Kai si iidahndu?" "Sada nahe lampu i bas emas nari," ningku ngaloi. "I datasna lit sada mangkuk ingan minak. I bas nahe lampu e lit pitu lampu, janah i bas tep-tep lampu lit pitu ingan sumbu.

³ Jenari lit ka dua batang saitun deherken nahe lampu e, sada arah kawes, sada arah kemuhen."

⁴ Kenca bage kusungkun malekat e, ningku, "Kai ertina e, tuan?"

⁵ "La kin ietehndu?" nina ka nungkun. "Lang tuan," ningku njabapsa.

⁶ <4:10b> Nina malekat e man bangku, "Lampu si pitu e, eme mata TUHAN si pitu, si ngidah kerina doni enda."

⁷ <4:11> Kenca bage kusungkun ia, "Kai antusenna batang saitun si lit arah kawes ras kemuhen nahe lampu e?

⁸ <4:12> Janah kai ka ertina dahan saitun si dua e si lit deherken pipa emas si dua dalan minak saitun e maler?"

⁹ <4:13> Isungkunna ka aku nina, "La kin itehndu?" "Lang tuan," ningku ngaloi.

¹⁰ <4:14> Kenca bage nina, "Eme dua kalak jelma si nggo ipilih dingen iminaki Dibata jadi SerayanNa, serayan TUHAN nu kerina doni."

¹¹ <4:6> Malekat e nuruh aku nehken berita i bas TUHAN nari kempak Serubabel. Nina, "Labo erkiteken gegeh tentera, tah pe arah gegehndu jine maka seh sura-surandu tapi arah kesahKu jine nge.

¹² <4:7> Aminna bagi deleng pe galangen si ngambati kam, tapi kerina jadi kendit i lebe-lebendu. Ipajekkenndu me Rumah Pertoton e, janah tupung itamakenndu batu si perpudina ndungi Rumah e, ersurak-surak me jelma si nterem nina, 'Mejile kal, mejile tuhu-tuhu!'"

¹³ <4:8> Reh ka berita si deban man bangKu i bas TUHAN nari.

¹⁴ <4:9> Nina, "Serubabel nggo majekken palas Rumah Pertoton e, emaka la banci lang idungina nge. Kenca jadi pagi si enda ieteh bangsangKu maka Aku si nuruh kam ku tengah-tengahna. <4:10a> - Mecekurak ukurna kerina erkiteken seh kal meletna pendahin majekken Rumah Pertoton e. Tapi idahna Serubabel terus majekken Rumah e, emaka meriah ukurna."

Zakharia

Video Zakharia 4

Ikuti Kami:

KONTAK | PARTISIPASI | DONASI