Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ E dhalem pangaton se laen pole, PANGERAN noduwagi ka sengko’ Imam Agung Yusak teppa’na ngadek e ajunanna malaekadda PANGERAN. E seddi’anna Yusak manjeng Setan se agugada salerana.

² Malaekadda PANGERAN jareya adhabu ka Setan, "Mandar PANGERAN ngokoma ba’na, Setan! Mandar PANGERAN se neser ka Yerusalim ngokoma ba’na. Oreng reya padha ban tomper se etaja’ epakalowar dhari apoy."

³ Yusak ngadek e jadhiya ngagem rasogan se ce’ kotorra.

⁴ Malaekat jareya laju adhabu ka kat-malaekat se abanto e sowarga, "Buwang kalambi kotor se eangguy oreng reya." Ka Yusak malaekat jareya adhabu, "Dusana ba’na la ebuwang bi’ sengko’; bi’ sengko’ ba’na eberri’ana angguy se anyar."

⁵ Malaekat jareya makon kat-malaekat laen se abanto salerana kaangguy masang surban se berse ka serana Yusak. Kat-malaekat jareya atoro’, Yusak laju eangguyi kalambi anyar, eoladi bi’ malaekadda PANGERAN.

⁶ Saellana jareya, malaekat jareya manapa’ dhabuna PANGERAN Se Mahakobasa ka Yusak,

⁷ "Mon ba’na atoro’ ka Tang kom-hokom ban ngalakone kon-lalakon se epassra’agi Sengko’ ka ba’na, saterrossa ba’na olle daddi pamimpin e Tang Padalemman ban ngoros taneyanna. Sengko’ ngedhingngagiya sakabbinna du’ana ba’na akantha se ngedhingngagi sakabbinna du’ana kat-malaekat se badha e Tang seddi’an.

⁸ Mara edhingngagi, Imam Agung Yusak, bariya keya ba’na mam-imam se daddi ca-kancana, ba’na kabbi lambangnga jaman se bagus se bakal dhateng. E bakto jareya Sengko’ ngotosa Tang abdi se enyamae ‘Se Selbi".

⁹ E adha’anna Yusak Sengko’ nyaba’ bato masagi papetto’ se bi’ Sengko’ etolesana eparopa’a okeran. E dhalem bakto saare Sengko’ matadha’a dusana nagara reya.

¹⁰ Mon are jareya la para’, saneyap oreng bakal ngonjanga tatanggana eajaga arassa’agi baramma kobassana kataremtemman ban kaamanan e nga’-tengnga’anna bun-kebbun anggur ban ka-bungkana ara andhi’na ba’na."

Zakharia

Video Zakharia 3

Ikuti Kami:

KONTAK | PARTISIPASI | DONASI