Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Reya’ pessenna PANGERAN parkara Isra’il. PANGERAN se ngampar langnge’, nyepta’agi bume ban apareng odhi’ ka manossa, adhabu,
2 "Bi’ Sengko’ Yerusalim epakantha’a piala se aesse anggur; ra-nagara tatanggana bakal ngenoma anggur jareya ban dhing-tabarindhing akantha oreng mabu’. Ban mon Yerusalim ekeppong, tha-kottha e nagara Yehuda se gi’ badha bakal ekepponga keya.
3 Tape mon are jareya la para’, Yerusalim bi’ Sengko’ epadaddiya akantha bato se berra’; bangsa se kemma’a bai se ngoddi ngangka’a bato jareya tanto calaka’. Sakabbinna bangsa e dunnya bakal areng-barengnga nyerranga Yerusalim.
4 E are jareya sakabbinna jaran bi’ Sengko’ epabingonga ban reng-orengnga se nompa’ epagila’a; pandhudhu’ Yehuda bi’ Sengko’ ejaga’a, tape sakabbinna jaranna mosona epabuta’a.
5 Saellana jareya ga-kalowarga Yehuda bakal ngoca’a kantha reya e dhalem atena, ‘PANGERAN, Allah Se Mahakobasa se apareng kakowadan ka ommadda se enneng e Yerusalim."
6 E are jareya ga-kalowarga Yehuda bi’ Sengko’ epakantha’a apoy e dhalem tompo’anna kaju otabana obur se rabbang e baba’anna gintelanna gandum, mateyana sa-bangsa e sakalenglengnga. Tape pandhudhu’ Yerusalim bakal pagguna aman enneng e kottha.
7 Sengko’, PANGERAN, dha’-adha’na bakal aberri’a kamennangan ka tantara Yehuda, sopaja kahormadan se etarema toronanna Daud ban pandhudhu’ Yerusalim ta’ ngalebbi’i kahormadan se etarema pandhudhu’ Yehuda laenna.
8 E are jareya Sengko’ ngaobana pandhudhu’ Yerusalim; se paleng ta’ kowat e antarana reng-oreng jareya bakal kowada akantha Daud. Toronanna Daud bakal nontona reng-oreng jareya akantha malaekadda Pangeran, la’-mala’ akantha Sengko’ dibi’.
9 E are jareya Sengko’ mateyana saneyap bangsa se ngoddi nyerranga Yerusalim.
10 Saellana jareya toronanna Daud sarta pandhudhu’ Yerusalim bi’ Sengko’ eberri’ana ate se neserran ban lebur adu’a. Reng-oreng jareya bakal ngabassagiya oreng se ecoco aba’na dibi’ ban bakal nangesana oreng jareya akantha se nangese matena ana’na se coma settong tadha’ pole. Reng-oreng jareya bakal nangesa agingging ce’ ngennessa, akantha oreng se kaelangan ana’ sareyang.
11 E are jareya bakal badha’a tangesan se ramme e Yerusalim, akantha oreng se nangese Hadad-Rimon e Cora Megido.
12 Saellana jareya saneyap kalowarga e nagara jareya bakal nangesa bi’-dibi’; kalowarga toronanna Daud, kalowarga toronanna Natan, kalowarga toronanna Lewi, kalowarga toronanna Simei, ban sakabbinna kalowarga laenna. Saneyap kalowarga bakal nangesa bi’-dibi’, ban reng-oreng lalake’an dhari saneyap kalowarga bakal nangesa tapesa dhari babine’anna."
13 (12:12)
14 (12:12)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA