Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani bulan ualuh, padua-tahunkon dob manrajai si Darius, roh ma hata ni Jahowa bani Nabi Sakaria, anak ni si Berekia, anak ni si Iddo, sonon,
2 “Manringis tumang do Jahowa bani ompungnima.
3 Tapi hatahon ma bani sidea, sonon do hata ni Jahowa, ʻSai mulak ma hanima hu Bangku, ase marpangulaki uhur-Hu dompak hanima,ʼ nini Jahowa Zebaot.
4 ʻUlang ma hanima songon ompungnima, na niambilanan ni nabi na parlobei in.ʼ Sonon do hata ni Jahowa Zebaot, ʻSai mulak ma hanima humbani dalannima na jahat in ampa humbani pambahennima na bajan in.ʼ Tapi seng itangihon anjaha seng ipardulihon sidea Ahu,” nini Jahowa.
5 “Ompungnima, ija do sidea nuan? Anjaha nabi-nabi ai, lalab do sidea manggoluh?
6 Tapi anggo hatang-Kin ampa titah-Kin na Hutonahkon bani juakjuak-Ku, nabi-nabi ai, ai lang mangonai do bani ompungnima?” Gabe mubah do uhur ni sidea anjaha ihatahon, “Songon na sinurahon ni Jahowa Zebaot mambahen hu banta, romban hubani dalanta ampa pambahenanta, sonai do tongon ibahen hu banta.”
7 Bani ari dua puluh ompat bulan sapuluh sada, ai ma bulan Sebat, padua-tahunkon dob manrajai si Darius, roh ma hata ni Jahowa hubani Nabi Sakaria, anak ni si Berekia, anak ni si Iddo sonon,
8 “Marpanonggoran do ahu borngin ai, anjaha tonggor ma, sada halak mangajak huda sigerger. Jongjong do ia i holangkolang ni hayu mirtus ibagas sada lombang, anjaha i pudini huda na gerger, na mahuning ampa silopak.
9 Dob ai ningku ma, ʻAi aha do artini in, tuan?ʼ jadi nini malekat hasomanku marsahap ai ma bangku, ʻHupatuduhkon pe bamu aha do artini in.ʼ
10 Dob ai nini dalahi na jongjong i holangkolang ni hayu mirtus ai ma mambalosi, ʻIn ma na sinuruh ni Jahowa maniar tanoh on.ʼ
11 Dob ai nini sidea ma mambalosi malekat ni Jahowa na jongjong i holangkolang ni hayu mirtus ai, ʻDomma isiari hanami tanoh on, anjaha tonggor ma, sonang anjaha damei do ganup tanoh on.ʼ
12 Jadi nini malekat ni Jahowa ai ma mambalosi, ʻAle Jahowa Zebaot, sadiha dokah nari lang marpangulaki uhur-Mu mangidah Jerusalem ampa mangidah huta ni Juda, na niringisan-Mu ibagas na pitu puluh tahun on?ʼ
13 Jadi ibalosi Jahowa ma malekat, na marsahap pakon ahu marhasoman hata na madear ampa hata apoh-apoh.
14 Dob ai nini malekat hasomanku marsahap ai ma hu bangku: Ambilankon ma: Sonon do hata ni Jahowa Zebaot, ʻGara tumang do uhur-Hu ibagas mangkopkop Jerusalem ampa Sion,
15 tapi gajag tumang do ringis-Hu dompak bangsa sipajuh begu-begu, na jungkat ai, ai sanggah manggila Ahu otik, gabe inunut sidea manambahi hamagouan ai.ʼ
16 Halani ai, sonon do hata ni Jahowa, ʻDomma marpangulaki uhur-Hu mangidah Jerusalem, maningon paulion do use rumah-Ku ibagas huta ai,ʼ nini Jahowa Zebaot, anjaha pagistangon do tali sibar-sibar bani Jerusalem.
17 Ambilankon ope: Sonon do hata ni Jahowa Zebaot, ʻSirnip ope sagala huta na dong Bangku bahenon-Ku bani na madear, anjaha ulakan ni Jahowa ope mangapohi Sion, anjaha pilihon-Ni use Jerusalem.ʼ”
18 (1-1) Dob ai hukawahkon ma dompak datas, anjaha tonggor ma, adong ma ompat tanduk.
19 (2-2) Jadi ningku ma dompak malekat na marsahap pakon ahu, “Ai aha do arti ni on?” Nini ma mambalosi ahu, “In ma da tanduk na paerapkon Juda, Israel ampa Jerusalem.”
20 (2-3) Dob ai ipataridahkon Jahowa ma bangku ompat panopa.
21 (2-4) Jadi ningku ma, “Aha do na sihol bahenon ni sidea ase roh?” Nini ma mambalosi, “Ai ma da tanduk na paerapkon Juda, gabe seng dong na boi padirgak uluni; na roh do sidea on laho manonggoti sidea, laho mamunukkon tanduk ni bangsa-bangsa, na pagijang tandukni dompak tanoh Juda, laho pamerapkon ai.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA