Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 I bas tahun peempatken kenca Darius jadi raja, i bas wari peempatken, bulan siwah (eme bulan Kislu), reh kata TUHAN man bangku.
2 Anak kota Betel nuruh Sereser ras Regem-Melekh rikut ras anak buahna ku Rumah Pertoton TUHAN si Mada Kuasa lako ertoto mindo pemasu-masun TUHAN
3 dingen nungkun imam-imam ras nabi-nabi alu penungkunen enda, "Iterusken kami kin erceda ate alu erpuasa i bas bulan pelimaken bagi nggo semal ilakoken kami ertahun-tahun, erkiteken Rumah Pertoton e runtuh denga seh genduari?"
4 Enda me kata TUHAN si seh man bangku kerna si e.
5 Nina, "Kataken man kerina anak negeri enda ras man imam-imam maka tupung ia erkuasa ras erceda ate i bas bulan pelimaken ras pepituken kidekah pitu puluh tahun enda, si e ilakokenna labo guna enghamati Aku.
6 Janah adi man ras minem ia, guna mesuri beltekna saja ngenca."
7 Enda me si ikataken TUHAN arah nabi-nabi si arah lebe nai, tupung Jerusalem meriah denga dingen dem alu jelma, i ja nterem kalak ringan la saja i bas kuta-kuta sekelewet kota e, tapi pe i Selatan ras i uruk-uruk si arah kenjahe.
8 Kata TUHAN seh man Sakaria nina,
9 "Nai Kuperentahken bangsangKu, "Bahanlah keputusen si bujur i bas tep-tep perkara, janah cidahken lias ras perkuah ate sapih-sapih kam.
10 Ula tindas diberu balu-balu, anak melumang, bangsa si deban si ringan i tengah-tengahndu, bage pe kalak si musil-musil. Janah ula ukurken si jahat sapih-sapih kam ras temanndu."
11 Tapi tupung e nai la nggit bangsangKu megiken Aku. Mekeng ia, itutupna pinggelna,
12 janah ipemersikna ukurna bali ras batu. Erkiteken la ia nggit megiken pengajaren si Kubereken arah KesahKu man nabi e, seh kal garana pusuhKu.
13 Perbahan la idengkehkenna tupung Aku ngerana, emaka tupung ia ertoto la Kualoi.
14 Desken angin kaba-kaba Kukencahken ia maka ringan i negeri kalak. Taneh si mehuli enda nggo tading terulang, dingen lanai lit ise pe ringan i je."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA