Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dob ai nini Jahowa ma dompak si Josua,

² ase ipatugah hubani halak Israel sonon, “Papulig hanima ma bannima huta haporusan, songon na Hutonahkon hinan hubani si Musa.

³ Ase hujai maporus sibunuh jolma, na so tinuntun barang na so binotoh; gabe huta haporusan ma ai bani nasiam dompak sibalaskon daroh.

⁴ Barang ise na maporus hubani sada humbani huta ai, maningon jongjong ma ia bani babah ni horbangan ni huta ai, mangadu-aduhon parharani hubani pinggol ni pangintuai ni huta ai; dob ai jaloon ni sidea ma ia hu huta ai, anjaha bereonni ianan bani, ase boi ia marianan i lambung ni sidea.

⁵ Anggo ipardakdak sibalaskon daroh ai ia hun pudi, seng bulih ondoskonon ni sidea jolma sipamunuh ai hubagas tanganni, halani na so tinuntunni do mamunuh hasomanni ai, anjaha lang marmunsuh hinan ia hu bani.

⁶ Maningon marianan i huta ai ma ia lobei, paima jongjong ia i lobei ni rapot paruhuman, paima matei sintua ni malim na marhorja bani panorang ai. Dob ai boi ma mulak sibunuh jolma ai hu hutani pakon hu rumahni, hu huta tinadingkonni ai hinan.”

⁷ Jadi iuras sidea ma Kedes i Galilea, i Dolog Naftali, pakon Sikem i Dolog Efraim, pakon Kiriat-Arba, ai ma Hebron i dolog Juda.

⁸ Anjaha i dipar ni Jordan, dohorhon Jeriko hampit hapoltakan, ipapulig sidea ma Beser i halimisan, bani tanoh na hornop, humbani marga Ruben, pakon Ramot i Gilead humbani marga Gad, pakon Golan i Basan, humbani marga Manase.

⁹ Ai ma huta, na pinapulig bani ganup halak Israel pakon bani halak dagang, na manginsolat i tongah-tongah ni sidea, ase boi maporus hujai sagala sibunuh jolma na so tinuntunni, ase ulang matei ia ibahen sibalaskon daroh paima jongjong ia i lobei ni rapot paruhuman.

Yosua

Video Yosua 20

Ikuti Kami:

KONTAK | PARTISIPASI | DONASI