Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Keluarga-keluarga suku Juda ngaloken sada bagin taneh e bagi si ituriken arah teruh enda: Taneh e seh ku ujung Selatan taneh mesawang Sin, i perbalengen Edom.
2 Baleng si arah Selatan mulai i bas ujung Selatan Lawit Mate nari,
3 terus kempak Selatan i bas dalan Akrabim nari jenari terus ku Sin. Kenca bage terus arah Selatan Kades Barnea, mentasi Hesron jenari nangkeng ku Adar, mbelok kempak Karka,
4 terus ku Asmon, janah ngikuti lau i perbalengen Mesir terus ku Lawit Tengah; i je me ujung balengna. Enda me baleng daerah Juda arah Selatan.
5 Balengna arah Timur eme Lawit Mate terus ku das ku tampuk Lau Jordan inganna muangken launa ku lawit e. Balengna arah Utara mulai i jenari,
6 terus nangkeng ku Bet Hogela, jenari terus ku Utara uruk-uruk i babo Baluren Jordan. Kenca bage nangkeng ku Batu Bohan. (Bohan eme sekalak anak Ruben.)
7 I Baluren Kesusahen nari nangkeng ku Debir, jenari kenca e mbelok ku Utara kempak Gilgal, petala-tala ras Dalan Adumim arah bagin Selatan baluren e. I jenari terus ka ku ulu lau Ensemes, jenari ndarat ku Enrogel,
8 jenari nangkeng arah tengah-tengah Baluren Hinnom i Selatan uruk ingan kota Jerusalem, kota kalak Jebusi. Baleng e terus nangkeng ku das uruk i Barat Baluren Hinnom, i ujung Utara Baluren Repaim.
9 I jenari baleng e terus ku ulu lau Neptoa jenari ndarat ku kota-kota deher Deleng Epron. I je mbelok kempak Baal (ntah pe Kiryat Jearim),
10 jenari erputar i Barat Baala kempak deleng-deleng Seir, terus ku Utara deleng Jearim (ntah pe Kesalon), ngincuah ku Bet Semes, jenari terus mentasi Timna.
11 I jenari terus ku deleng si lit i Utara Ekron, mbelok kempak Sikeron, mentasi deleng Baala, jenari terus ku Jamnia. Ujungna eme i Lawit Tengah,
12 si jadi balengna arah Barat. I bas baleng-baleng enda ndai me ringan kalak si bengket ku bas keluarga Juda.
13 Sue ras iperentah TUHAN man Josua, sada bagin daerah Juda iberekenna man Kalep anak Jepune, i bas suku Juda nari. Ialokenna Hebron kota sikerajangen Arba, bapa Enak.
14 Ipelawes Kalep kesusuren Enak i bas kota e nari: eme kempu-kempu Sisai, Ahiman, ras Talmai.
15 I jenari lawes ia merangi kalak si ringan i Debir. (Kuta enda nai igelari Kiryat Seper.)
16 Nina Kalep, "Kuserehken anakku Aksah man kalak si ngasup naluken Kiryat Seper."
17 Otniel anak senina Kalep, Kenas gelarna, naluken kota e, emaka iberekenna anakna Aksah jadi ndehara Otniel.
18 I bas wari perjabunna e isekseki Otniel ndeharana gelah mindona taneh perjuman man bapana, Kalep. Nusur ia i das kaldena nari, emaka isungkun Kalep ia kai sura-surana.
19 Nina erjabap, "Ateku mindo ulu lau man bandu. Sabap taneh si nggo iberekenndu man bangku la erlau." Emaka ibereken Kalep man bana ulu lau si arah gugung ras si arah berneh.
20 Enda me taneh si ialoken keluarga suku Juda jadi sikerajangenna.
21 Kota-kota si ndauhna ku Selatan si man bana, si ndeher ras perbalengen Edom, eme Kabseel, Eder, Jagur,
22 Kina, Dimona, Adada,
23 Kedes, Hasor, Itnan,
24 Sip, Telem, Bealot.
25 Hasor Hadata, Keriot Hesron (ntah pe Hasor),
26 Amam, Sema, Molada,
27 Hasar Gadda, Hesmon, Betpelet,
28 Hasar Sual, Berseba, Bisiotia,
29 Baala, Iim, Esem,
30 Eltolat, Kesil, Horma,
31 Siklak, Matmanna, Sansanna,
32 Lebaot, Silhim, Ain, ras Rimon. Kerinana lit dua pulu siwah kota, rikut pe ras kuta-kuta i sekelewetna.
33 Kota-kota si iteruh deleng eme: Estaol, Sora, Asna,
34 Sanoa, En-Gannim, Tapua, Enam,
35 Jarmut, Adulam, Soko, Aseka,
36 Saraim, Aditaim, Gedera, ras Gederotaim, kerinana lit sepulu empat kota, rikut pe ras kuta-kuta i sekelewetna.
37 Lit ka pe Senan, Hadasa, Migdalgat,
38 Dilean, Mispa, Jokteel,
39 Lakis, Boskat, Eglon,
40 Kabbon, Lahmam, Kitlis,
41 Gederot, Bet-Dagon, Naama, ras Makeda, kerinana lit sepulu enem kota-kota, rikut pe ras kuta-kuta i sekelewetna.
42 Lit ka pe Lipna, Eter, Asan,
43 Ipta, Asna, Nesip,
44 Keila, Aksip, ras Maresa, kerinana lit siwah, rikut pe ras kuta-kuta i sekelewetna.
45 Lit ka pe Ekron ras kuta-kutana bage pe dusun-dusunna,
46 bage pe kerina kota-kota ras kuta-kuta deher Asdot, i Ekron nari seh ku Lawit Tengah.
47 Lit ka pe, Asdot ras Gasa, ikut pe kuta-kuta ras dusun-dusunna, seh ku lau i bas perbalengen Mesir ras ku tepi Lawit Tengah.
48 I deleng-deleng lit kota-kota Samir, Jattir, Soko,
49 Danna, Kiryat Seper (ntah pe Debir),
50 Anap, Estemoa, Anim,
51 Gosen, Holon, ras Gilo, sepulu sada kota kerina, rikut pe ras kuta-kuta i sekelewetna.
52 Lit ka pe Arab, Duma, Esan,
53 Janin, Bet Tapua, Apeka,
54 Humtah, Hebron, ras Sior, siwah kota kerina, rikut pe ras kuta-kuta i sekelewetna.
55 Lit ka pe Maon, Karmel, Sip, Jutta,
56 Jesreel, Jokdeam, Sanoah,
57 Kain, Gibeah, ras Timna, sepuluh kota kerina, rikut pe ras kuta-kuta i sekelewetna.
58 Lit ka pe Halhul, Betsur, Gedor,
59 Maarat, Bet-Anot, ras Eltekon, enem kota kerina, rikut pe ras kuta-kuta i sekelewetna.
60 Lit ka pe Kiryat Baal (ntah pe Kiryat Jearim) ras Raba, dua kota, rikut pe ras kuta-kuta i sekelewetna.
61 I gurun pasir lit ka pe Bet-Araba, Middin, Sekaka,
62 Nibsan, kuta Sira ras En-Gedi, enem kota kerina, rikut pe ras kuta-kuta i sekelewetna.
63 Tapi kalak Juda la ngasup pelawes kalak Jebusi, si ringan i Jerusalem. Kalak Jebusi tetap denga ringan i je ras kalak Juda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA