Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 On do hata ni Jahowa na roh hubani Nabi Jeremia pasal bangsa-bangsa.
2 Pasal Masir: Pasal tentara ni Parao Neko, raja ni Masir, na marsaran i lambung ni Bah Eprat, dohorhon Karkemis, na tinaluhon ni si Nebukadnesar, raja ni Babel, paompat-tahunkon dob raja si Joyakim, anak ni si Josia, raja ni Juda,
3 “Pasirsir ma gantar na etek ampa na banggal, anjaha bingkat ma hu parporangan!
4 Palanai ma huda in, naiki ma, ale siajak huda! Jongjong ma martangkuluk bosi bei, pamarot tanjanima, sorungkon baju-baju partahanan!
5 Aha do na Huidah ai? Gobir-gobir do sidea, anjaha surut hu pudi! Talu do puanglima ni sidea, tarolos maporus; seng mangkawah dompak pudi, habiaran do inggot, nini Jahowa.
6 Na doras marlintun seng tarbahensi maporus, age na barani-barani seng maluah; i utara i lambung Bah Eprat do sidea marjurgangan anjaha radag.
7 Ise do ai, na marbanggal songon Bah Nil, songon bah bolon na marhasak bahni?
8 Masir do ai na marbanggal songon Bah Nil, anjaha songon bah bolon parhasak ni bahni. Nini, ʻMarbanggal ma ahu, sihol do rungkubonku tanoh in, parsedaonku huta-huta ampa pangisini.ʼ
9 Maju ma, ale sagala huta, marpojong ma, ale gareta! Bingkat ma siparporang! Halak Kus ampa halak Put sijolom gantar, halak Lud, na pandei manintak Sior.
10 Ari ai, ai ma ari ni Tuhan Jahowa Zebaot, sada ari pambalason, laho mambalas munsuh-Ni. Bosur do podang mamangani, anjaha marmabuk-mabuk do ia minum daroh ni sidea. Ai Jahowa, Naibata Zebaot do na mangadongkon panayatan i tanoh parutara i lambung ni Bah Eprat.
11 Tangkog ma hu Gilead, alop ma minak balsem, ale anak boru, boru Masir! Soya-soya do na pinakeimin buei tambar, seng tarbahen malum be ho.
12 Tarbogei do bani bangsa-bangsa hailaonmu, gok do tanoh on bani doruh-doruhmu; ai marsijombaan do siparporang samah siparporang, rap radag do sidea.”
13 On do hata ni Jahowa, na hinatahon-Ni bani Nabi Jeremia, ai ma pasal parroh ni si Nebukadnesar, raja ni Babel, laho patunduk tanoh Masir,
14 “Baritahon ma i Masir, anjaha tingtingkon i Migdol; pabogeihon ma i Nob ampa i Tahpanhes! Hatahon ma, ʻJongjong ma anjaha marjaga-jaga, ai domma bois ipangan podang simbalogmu.ʼ
15 Mase marrageian puanglimamu? Seng jongjong be! Jahowa do patundukkon sidea.
16 Ibahen do sidea buei mangkatompas, radag do sidea; nini sidea do samah sidea, ʻEta, mulak ma hita hubani bangsanta ampa hu tanoh hatubuhanta halani podang sipangagou in.ʼ
17 Bahen ma goran ni Parao, raja ni Masir: Sibuei hata-hata, siparsoya-soya panorang na madear.
18 Songon sintongni manggoluh Ahu, nini Raja in, na margoran Jahowa Zebaot: Songon Dolog Tabor i tongah-tongah ni dolog-dolog, songon Karmel na i topi laut, sonai do parrohni ai.
19 Pasirsir ma ugas-ugasmu, laho hu habuangan, ale pangisi ni Masir! Tongon, maningon tarulang do Nob, mareong, seng dong na mangiankon.
20 Lombu na majenges do Masir, tapi roh ma sipangagou hun utara marayaksi.
21 Age tentara na niupahan, na i tongah-tongah ni sidea, songon anak ni lombu na mombur do; marbalik do sidea anjaha rap maporus, seng martahan sidea; ai sogop do ari hamagouan bani sidea, panorang pambalason bani sidea.
22 Songon parlisik ni ulog do parrohni bogeion; tongon, marhulan-hulan do sidea roh, marsiboan kapakni songon siroboh hayu.
23 Robohon ni sidea do haranganni, nini Jahowa, ai seng marsibar sidea; bueinan do sidea ase balang, seng tarbilangi sidea.
24 Maningon bador do boru Masir, maningon ondoskononkon do ia hubagas tangan ni bangsa na hun utara.
25 Ihatahon Jahowa Zebaot, Naibata ni Israel do, ʻTonggor ma, marlulu do Ahu dompak Amon, na hun No, dompak Parao, dompak Masir, dompak sisombahonni ampa raja-rajani, dompak Parao ampa dompak halak na martenger ni uhur bani.ʼ
26 Ondoskonon-Ku do sidea hubagas tangan ni na manguhurhon hosah ni sidea, hubagas tangan ni si Nebukadnesar, raja ni Babel, ampa hubagas tangan ni gamot-gamotni. Tapi dob salpu ai ianonkon do use Masir songon bani panorang sapari, nini Jahowa.
27 Tapi anggo ho, ulang ma mabiar, ale Jakob juakjuak-Ku, anjaha ulang ma tarsonggot, ale Israel; ai tonggor ma, paluahon-Ku do ho hun tanoh na madaoh ampa ginomparmu hun tanoh habuangan ni sidea. Maningon mulak do Jakob, marsonang-sonang do ia anjaha mardamei-damei, ise pe lang be na manonggotisi.
28 Ulang ma ho mabiar, ale Jakob juakjuak-Ku, nini Jahowa, ai Ahu do hasomanmu. Boiskonon-Ku do bangsa-bangsa pambuangan-Ku bannima, tapi anggo ho seng bois bahenon-Ku, tongon, Huajar do ho domu hubani na patut; tapi seng paturuton-Ku ho lang hona pinsang.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA