Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kenca bage ibabaina ka aku ku gerbang si ngala ku kenjulu.
2 I je kuidah reh i kenjulu nari terang sinalsal tanda kerehen Dibata nu Israel. Sora Dibata desken sora lawit si ergeruhguh, janah taneh pe ersinalsal erkiteken terang kemulian Dibata.
3 Pengenehenen e bali ras pengenehenen si kuidah asum Dibata ngkernepken Jerusalem, seri ras pengenehenen si kuidah i tepi Lau Kebar. Kenca bage minter aku langkem i babo taneh.
4 Terang si mesilo e mentas arah gerbang si arah kenjulu ndai, jenari bengket ku bas Rumah Pertoton.
5 Iangkat kesah TUHAN aku janah ibabana ku kesain si arah bas. I jenari kuidah Rumah Pertoton e nggo dem alu kemulian TUHAN.
6 Tedis dilaki ndai i durungku, janah ku begi TUHAN ngerana man bangku i bas Rumah Pertoton nari nina,
7 "O manusia si ermasap-masap, enda me kursi kinirajanKu. I jenda me aku ringan i tengah-tengah bangsa Israel dingen ngerajai ia seh rasa lalap. Subuk bangsa Israel, ba gepe raja-rajana, seh ndigan pe lanai nggombangi gelarKu si badia alu nembah man dibata-dibata si deban tah pe engkuburken mait raja-rajana i bas ingan enda.
8 Raja-raja erbahan kerabangen ras binangun-binangun pintun istanana deherken kerabangen ras binangun pintun Rumah PertotonKu, seh maka sada tembok ngenca nirangken kami. Icemarkenna gelarKu si badia alu kerina perbahanenna si ciga ateKu, seh maka erkiteken nembeh ateKu Kukernepken ia.
9 Genduari arus maka ulanai isembahna dibata-dibata si deban, janah ipindahkenna bangke raja-rajana. Adi bage ibahanna, ringan Aku i tengah-tengahna rasa lalap."
10 Nina ka TUHAN tole, "O manusia si ermasap-masap, turikenlah man bangsa Israel kerna Rumah Pertoton e, janah suruh ia ipelajarina rancangenna. Bahanlah maka mela akapna kerna perbahanenna si dem alu dosa e.
11 Kenca bage adi nggo mela akapna kerna kai si nggo ibahanna, turiken man bana rancangen Rumah Pertoton e, gambarna, dalan bengket ras dalan ndarat, tempasna, susunen gedung-gedungna ras kerina peraturen ras undang-undangna. Suratken si enda ndai kerina man bana maka ietehna kuga ngatursa kerina, janah ngasup ia ndalanken kerina peraturen-peraturen e.
12 Enda me Undang-undang Rumah Pertoton e: Kerina daerah i sekelewet Rumah Pertoton i datas deleng e badia kap."
13 Enda me sibar-sibar batar-batar e, sue ras sibar-sibar si ipake i bas Rumah Pertoton. I sekelewet nahe batar-batar e lit parikna, bagesna setengah meter, belangna setengah meter, janah pinggirna si arah darat seperempat meter ganjangna.
14 I bas parikna e nari seh ku ujung nahe batar-batar e ganjangna sada meter. Bagin tengahna ganjangna dua meter, janah setengah meter terbagesen asa nahe batar-batar e. I babona lit ka sada bagin, setengah meter ku bas asangken bagin tengah ndai.
15 Ujung batar-batar enda, eme ingan nutung persembahen, e pe dua meter ka ganjangna. I bas sukina empatna lit bagin si njurjur ku das bagi tanduk.
16 Ujung batar-batar e tempasna segi empat, belangna ras gedangna enem meter.
17 Bagin tengahna pe segi empat, belangna ras gedangna pitu meter, dingen pinggirna kelewet ganjangna seperempat meter. (Parikna seperempat meter belangna.) Tangga dalan nangkih ku das batar-batar e inganna arah kenjulu.
18 Nina TUHAN si Erdolat man bangku, "O manusia si ermasap-masap, dengkehken kai si Kukataken man bandu. Kenca batar-batar e dung ipajekken, tangkuhken alu nutung persembahen i datasna, janah pirpiri alu dareh asuh-asuhen si ipersembahken e.
19 Imam kesusuren Sadok i bas suku Lewi nari ngenca banci reh ku adep-adepenKu lako nehken persembahen. Aku TUHAN si Erdolat kap merentahken si enda. Berekenlah man bana sada jenggi lembu nguda maka ipersembahken jadi persembahen pengalemi dosa.
20 Buat sitik darehna jenari tamaken i bas tanduk batar-batar si lit i bas sukina si empat, bage pe i bas suki bagin batar-batar si i tengah, janah i bas kerina tepina. Alu bagenda me kam mersihken batar-batar e dingen nangkuhkenca.
21 Buatlah jenggi lembu si nipersembahken man pengalemi dosa e, jenari tutunglah i bas ingan si nggo itetapken i daraten pertapaken Rumah Pertoton e.
22 Pepagina buatlah sada bajar kambing si la lit sitik pe man pandangen, jenari persembahken jadi persembahen pengalemi dosa. Bersihken batar-batar e alu dareh kambing e, bali ras si nilakokenndu nandangi jenggi lembu ndai.
23 Kenca nggo dung ilakokenndu si e, buat sada jenggi lembu nguda ras sada bajar biri-biri nguda, duana si la lit sitik pe man pandangen,
24 jenari baba man bangKu. Imam-imam arus namaken sira ku je, jenari tutung jadi sada persembahen man bangKu.
25 Tep-tep wari arus ipersembahkenndu jadi persembahen pengalemi dosa sada bajar kambing, sada jenggi lembu, ras sada bajar biri-biri si nguda denga; dekahna pitu wari. Kerinana arus la lit man pandangen.
26 Pitu wari dekahna imam-imam nangkuhken batar-batar emaka nggo banci ipake.
27 Kenca lepas si pitu wari e, ibenaken imam-imamlah mereken persembahen i datas batar-batar e, eme persembahen tutungen ras persembahen persadan si ipersembahken bangsa e. Kenca bage, senang ukurKu ngidah kam kerina. Aku, TUHAN si Erdolat, nggo melasken katangKu."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA