Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nina Dibata, "O manusia si ermasap-masap, buat batu bata, tamaken arah lebendu, jenari garislah batu e lako nggambarken kota Jerusalem.
2 Kenca bage, lako nggambarken pengepungen nandangi kota e, bahanlah parik-parik taneh si ergun-gun, perkemahen-perkemahen, ras perkakas ngeruntuhken tembok i sekelewet batu bata e.
3 Buatlah sada panci besi, jenari pajekken e desken tembok kelang-kelang kam ras kuta e. Alakenlah kota e. Kota e sangana ikepung, janah kam si ngepungsa. Enda me jadi sada tanda man bangsa Israel.
4 Kenca bage, medemlah alu nindihi tan si kawes, maka Kutamaken man bandu kesalahen negeri Israel. Kam arus tading i je 390 wari dekahna janah ngenanami kiniseran erdandanken kesalahenna. Sada wari kam medem i je ndalani ukumen nggambarken sada tahun ukumen si Kusehken man Israel.
5 (Yeh 4:4)
6 Kenca nggo dung idalanindu si e, erkusur kam nindihi tan si kemuhen, janah Kam ngenanami kiniseran erdandanken kesalahen Juda, empat puluh wari dekahna sada wari nggambarken ukumen sada tahun.
7 Pernehenlah kempak pengepungen kota Jerusalem. Awatken tinju-tinjundu kempak kota e, jenari ernubuatlah.
8 Kuiket kam seh maka la banci erkusur ku kawes tah ku kemuhen seh nggo dung pengepungen e.
9 Genduari buatlah gandum, sorgum, kacang, kacang megara, dawa, dawa cur. Campurken kerina, jenari bahan roti. Em man nakanndu kidekah kam medem nindihi tan si kawes 390 wari dekahna.
10 Nakan si banci ipanndu setengah gantang ngenca sada wari, janah sekali ngenca kam man sada wari.
11 Lau si man inemenndu tep-tep wari pe ersibar; dua cangkir ngenca sada wari.
12 Pegaralah api, rantingna kotor manusia si nggo kerah, janah i bas api e kam manggang roti. Jenari panlah roti e i lebe-lebe jelma si nterem."
13 Nina TUHAN, "Bage me pagi kalak Israel man pangan si ipantangken rikutken Undang-undang, tupung Kukerapken ia ku negeri-negeri si deban."
14 Tapi erjabap aku, "Lang, o TUHAN si Erdolat! La pernah kuliami diringku. Mulai kin kitik-kitikku nari la pernah kupan daging bangke asuh-asuhen tah pe si ijerngem rubia-rubia si merawa. La pernah kupan si pantang rikutken Undang-undang."
15 Emaka nina Dibata, "Mehuli. Adi bage banci ibahanndu kotoren lembu jadi rantingna, janah i je me ipanggangndu rotindu e."
16 Tole nina Dibata, "O manusia si ermasap-masap, Kubeneken ateKu kerina persedian pangan i Jerusalem. Suhsah dingen bene pagi ukur kalak si ringan i je erkiteken terpaksa itimbang panganna janah isukati inemenna.
17 Bene pagi ukurna perban keri pangan ras inemenna, janah kedungenna mate ia erkiteken dosa-dosana."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA