Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu ka sengko’,
2 "He, manossa se ta’ langgeng, mara basto nagara Amon.
3 Soro bangsa jareya ngedhingngagi apa se ekoca’agi Sengko’, GUSTE Allah Se Mahatenggi, ka aba’na, ‘Ba’na senneng nangale’e Tang Padalemman epacemmer ban tana Isra’il eparosak, sarta bangsa Yahudi eangko’ ka pambuwangan.
4 Lantaran jareya, bi’ Sengko’ ba’na edina’a epakala bi’ ku-suku bangsa dhari ra-ara Temor. Ku-suku bangsa jareya bakal maddegga parkemahanna e nagarana ba’na sarta pas neptebba e jadhiya. Sa-bangsa jareya bakal ngakana wa’-buwa’anna ba’na ban ngenoma powanna ebinna ba’na.
5 Kottha Raba bi’ Sengko’ eoba’a epadaddiya kennengnganna oreng ngowan onta, ban saantero nagara Amon epadaddiya kennengnganna oreng ngowan dumba. Daddi ba’na pas tao ja’ Sengko’ reya PANGERAN.’"
6 GUSTE Allah Se Mahatenggi adhabu, "Ba’na akopa’ sambi atari kaperagan. Ba’na nganggep tana Isra’il tadha’ argana.
7 Lantaran jareya, bi’ Sengko’ ba’na epassra’agiya ka sa-bangsa laenna se bakal arampoga ban bakal arampasa sakabbinna dhi’-andhi’na ba’na. Bi’ Sengko’ ba’na epatompessa sampe’ ta’ daddi bangsa pole ban ta’ andhi’ nagara dibi’. Daddi ba’na bakal taowa ja’ Sengko’ PANGERAN."
8 GUSTE Allah Se Mahatenggi adhabu, "Mo’ab ngoca’ ja’ Yehuda reya padha ban sa-bangsa laenna.
9 Lantaran jareya tha-kottha se aperrang masalamedda tes-batessa nagara Mo’ab bi’ Sengko’ epannengnga eserrang moso tamaso’ tha-kotthana se paleng bagus, iya reya: Bet-Yesimot, Ba’al-Meyon ban Kiryata’im.
10 Ku-suku bangsa dhari sagara beddhi Temor bi’ Sengko’ edina’a makala Mo’ab abareng ban nagara Amon, sampe’ Mo’ab ta’ daddi bangsa pole.
11 Sengko’ ngokoma Mo’ab, daddi reng-oreng pas tao ja’ Sengko’ PANGERAN."
12 GUSTE Allah Se Mahatenggi adhabu, "Bangsa Edom la agabay sala se raja polana alako kejjem ka Yehuda, menangka babalessa sake’na atena.
13 Daddi sateya Sengko’ aberri’ tao ja’ Sengko’ ngokoma Edom ban mateyana saneyap manossa sarta keban se badha e jadhiya. Saantero nagara jareya, dhari kottha Téman sampe’ ka kottha Dedan, bi’ Sengko’ epaseppeya; ra’yadda bakal mateya e dhalem paperrangan.
14 Tang bangsa Isra’il bi’ Sengko’ eangguya males sake’ ate Sengko’ ka Edom, ban Edom eokoma menorot rajana peggella Tang ate. Edom bakal taowa baramma rassana katebanan peggella Tang ate. Sengko’ GUSTE Allah Se Mahatenggi, la ngoca’."
15 GUSTE Allah Se Mahatenggi adhabu, "Reng-oreng Filistin males sake’na atena epakejjem ka moso babujudanna, se epate’e dhari baji’na.
16 Lantaran jareya Sengko’ malae ja’ Sengko’ nyerranga ban matompessa reng-oreng Filistin jareya. Karena oreng se gi’ odhi’ e dhaera paseser bi’ Sengko’ epateyana.
17 Bi’ Sengko’ eokoma epatalebada berra’na. Peggella Tang ate bi’ Sengko’ eocola kabbi sampe’ Sengko’ arassa legga. Mon reng-oreng jareya la tao rassana peggella Sengko’, reng-oreng jareya pas tao ja’ Sengko’ PANGERAN."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA