Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ngidah si e, minter aku langkem i babo taneh. Kenca bage kubegi sora nina, "O manusia si ermasap-masap, tedisken. Ngerana ateku ras kam."
2 Tupung sora ndai ngerana denga, Kesah Dibata mengketi aku, jenari ipetedisna aku. Kubegi tole sora ndai nina,
3 "O manusia si ermasap-masap, Kusuruh kam ku bangsa Israel si nggo berontak ngelawan Aku. Bangsa e tetap denga nge mberontak bali ras nini-ninina nai.
4 Mekeng ia, janah la ihamatina Aku. Erkiteken si e Aku, TUHAN si Erdolat, nuruh kam ngataken man bana kai si Kukataken man bandu.
5 Langa tentu ibegikenna kam ntah lang, tapi gelah nggo ietehna maka lit nge nabi i tengah-tengahna."
6 Tapi kam, o manusia si ermasap-masap, la banci mbiar man bangsa e tah pe kerna kai si ikatakenna. Ilawanna ras igombangina me kam, seh maka akapndu bali ras nggeluh i tengah-tengah kacip gelang. Bage gia, ula kam mbiar man pemberontak-pemberontak e aminna kai pe ikatakenna.
7 Katakenlah man bana kai si Kusuruh kam ngatakenca, subuk ibegikenna ntah lang. Inget maka pemberontak kap ia kerina.
8 O manusia si ermasap-masap, begiken kai si Kukataken bandu. "Ula kam jadi pemberontak bali ras ia kerina. Ngangaken babahndu jenari panlah kai si Kubereken man bandu."
9 Kuidah sada tan ndudurken sada gulungen surat man bangku.
10 Ikimbangken tan ndai gulungen surat e, janah kuidah maka dua mbelahna isurati. Si tersurat i je eme: tangis-tangis, nderkuh, ras kata-kata ate mesui.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA