Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Aku bali kap ras rudang-rudang si turah-turah bana i Baluren Saron, bunga ncole si turah i berneh deleng.
2 [Dilaki] Desken bunga ncole i tengah rambah duri, bage me impalku i tengah diberu-diberu.
3 [Diberu] Bali ras batang apel, i tengah kerangen bage me impalku i tengah-tengah dilaki si deban. Meriah ukurku cilinggem i teruhna, buahna, entebu kuakap nanamna.
4 Ibabana aku ku ingan erpesta, ipernehenna aku alu dem ngena ate.
5 Pegegehi aku mulihken alu buah anggur, pesenang dagingku alu buah apel. Lanai tertahanken tedeh ateku.
6 Tanna si kawes natang takalku, alu tanna si kemuhen isapu-sapuna aku.
7 O diberu Jerusalem erpadanlah, ersumpahlah erdandanken belkih ras balua si meter kiam, maka la atendu nganggu kami, kami si sangana singenan.
8 [Diberu] Kubegi sora impalku. Kiam-kiam mentasi deleng-deleng pedas-pedas ia ngepari uruk-uruk ndahi aku.
9 Impalku bali ras belkih, bali ras anak balua, tedis deherken tembok, ipernehenna arah jendela, iintipna arah renggang-renggang.
10 Ngerana impalku man bangku. [Dilaki] Mari impalku, ikutken aku.
11 Paksa mbergeh ras paksa perudan nggo lepas.
12 I bas mbalmbal rudang-rudang nggo terlak e kap paksana rende-rende. Sora ndukur erlebuh terbegi i juma-juma.
13 Buah ara nggo mulai tasak, bau bunga anggur nggo teranggeh. Mari impal, mari keleng ateku, ikutken aku.
14 Kam desken merpati si cebuni i bas lingling batu. Pelepas min kuidah rupandu si mejile, pediat min kubegi sorandu si mehuli e.
15 Tangkap min serigala si kitik-kitik, ope denga sempat icedakenna kebun anggur kami si sangana erbunga.
16 [Diberu] Impalku e aku kap empuna, janah aku ia empuna, ipermakanina rarasen e i tengah-tengah bunga ncole
17 seh ngayak rembus angin erpagi-pagi, janah kegelapen nggo mulai lesap. Mulih pedas, o impalku, bali ras belkih; bali ras anak belkih i datas deleng si erbatu-batu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA