Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Humbani si Daud. Luluhon Ham ma ahu, Ham Jahowa, ai ibagas hadaulaton do ahu marparlahou; bani Jahowa do ahu marhatengeran, seng molei-olei ahu.

² Uji Ham ma ahu, ale Jahowa, anjaha suba ma, pareksa Ham ma piah-piahku pakon pusu-pusungku.

³ Ai tongtong do i lobeihu idop ni uhur-Mu, anjaha romban hubani hasintongan-Mu do ahu marparlahou.

⁴ Seng ongga hundul ahu pakon siparladung, anjaha seng marsaor ahu pakon sipakulah-kulah.

⁵ Sogam do uhurhu mangidah humpulan ni halak parjahat, anjaha seng ra ahu sahundulan pakon sibahen na jahat.

⁶ Huburihi do tanganku tanda lang marsalah, anjaha huinggoti do anjapanjap-Mu, Ham Jahowa,

⁷ laho pabogeihon sora puji-pujian, laho mambaritahon haganup halongangan na binahen-Mu.

⁸ Ham Jahowa, huhaholongi do hajongjongan ni rumah-Mu, ianan hasogopan ni hamuliaon-Mu.

⁹ Ulang ma masabkon Ham tonduyhu rap pakon pardousa, atap goluhku rap pakon siduruskon daroh,

¹⁰ ai ma halak na buei longkot hajahaton bani tangan ni sidea, anjaha gok sisip tanganni siamun.

¹¹ Tapi anggo ahu, ibagas hadaulaton do marparlahou, paluah Ham ma ahu, maidop ma uhur-Mu bangku.

¹² Jongjong bani dalan hanopan do naheihu, sai pujionku do Jahowa ibagas sagala parhumpulan.