Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Jaburra Daud. Parenge abdidalem kaadilan, GUSTE, sabab ate abdidalem berse. Junandalem se earep abdidalem, ate abdidalem ta’ mangmang sakale.

² Ngereng talektegi sareng oji abdidalem, GUSTE, pareksa pangaterro sareng pekkeran abdidalem.

³ Abdidalem emot terros ka kataresna’annepon Junandalem, sareng teptep esto ka Junandalem.

⁴ Abdidalem ta’ poron akompol sareng tokang tepo, otabana akanca sareng oreng se monafik.

⁵ Abdidalem baji’ ka kompolannepon oreng se jahat, abdidalem ajauwi oreng se tengkana juba’.

⁶ Abdidalem maccowe tanang partandha ta’ sala, pas ajalan ngalenglenge mezbaepon Junandalem, GUSTE,

⁷ sambi anyanye lagu sokkor, sareng aberta’agi sadaja se elampa’agi Junandalem se makasambu’ ate.

⁸ Abdidalem taresna ka dalemmepon Junandalem, GUSTE, se ekalenggi’i Junandalem kalaban agung.

⁹ Abdidalem ja’ pate’e asareng oreng se dusa, nyaba abdidalem ja’ cabut epasareng tokang jagalla manossa.

¹⁰ Reng-oreng gapaneka alako jahat ros-terrosan, ros-terrosan asadhiya narema pesse go’-sogo’.

¹¹ Namong abdidalem jujur sareng berse e dhalem ate, kaneserre abdidalem, sareng bebassagi, Guste.

¹² Daddi sengko’ aman dhari babaja, sengko’ mojiya PANGERAN e dhalem kompolanna ommadda.