Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sengko’ nangale’e pole barang se ta’ adil se talebat nyeksa manossa e dunnya reya.
2 Kadhang Allah marenge kasogiyan, kahormadan, ban arta ka oreng sampe’ tadha’ pole se ekaterrowe oreng jareya, tape bi’ Allah oreng jareya ta’ eedine ane’madi papareng jareya. Sabaligga, oreng laen se ta’ ekataowe oreng jareya se bakal ane’madi papareng jareya. Daddi jareya kabbi parcoma ban mangennes ate.
3 Maske oreng andhi’ ana’ saratos sarta odhi’ abit sampe’ towa, tape mon odhi’na ta’ senneng ban ta’ ekoburragi sapantessa, menorot tang panemmo, babaji’ se mate e bakto lahir lebbi becce’ katembang oreng jareya.
4 Sabab monggu ka babaji’ jareya ta’ daddi so’al apa aba’na elahirragi otaba enja’; babaji’ jareya ondur ka pettengnga, pas ta’ ekaenga’e oreng.
5 Babaji’ jareya ta’ tao nangale’e sonarra are, ban ta’ ngarte apa artena odhi’ reya, daddi bisa tedhung taremtem.
6 Jareya abecce’an katembang oreng se odhi’ dhu ratos taon tape ta’ tao senneng atena. Sabab se kadhuwa jareya padha nojju ka settong kennengngan se padha, ta’ iya?
7 Manossa reya alako pera’ sopaja bisa’a ngakan, tape ta’ tao arassa cokop.
8 Daddi apa ontongnga oreng penter mon ebandhing ban oreng budhu? Apa pole gunana mon oreng mesken atengka bagus e nga’-tengnga’anna masarakat?
9 Jareya kabbi parcoma, akantha oreng nyerser angen. Lebbi bagus atena narema sabarang se bisa ekaandhi’ aba’na, katembang ros-terrosan terro jang bannya’an pole.
10 Sabarang se badha reya la badha dhari lamba’. Ba’na tao ja’ manossa ta’ bisa alaban ka oreng se akowadan dhari aba’na.
11 Sajan abit se alaban, sajan ta’ eanggep cacana, la’-mala’ ta’ olle kaontongan pa-apa.
12 Baramma oreng se taowa apa se paleng becce’ ka aba’na e dhalem odhi’na se pandha’ ban ta’ aguna, se pera’ lebat akantha jang-bajangan reya? Baramma oreng se bisa’a ngarte apa se kadaddiyana e dunnya reya saellana aba’na la tadha’?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA