Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ngini niokuata sababu nimarimoi de ma Kristus, de ngini nia singina koisusawau sababu ma Kristus winidora! Ngini nimarimoi de 'o Ngomasa 'Itebi-tebini, de mita nimakadora de nimakalega moi de moi.

² Ge'enau so bika niositotomo 'ai singina ma sanangi de naneda: Nio'ahu ka 'o singina moi de nia dora kaimatero, nia di-dibangi ka moi, de nia dumutu ka moi.

³ 'O kianikia niodiai ge'ena 'uwa sababu duga ka to ngini ma sirete nia paraluu, bolo sababu kanimaie, ma 'ena salingou de 'ania singina 'itipokoku niamaoku 'o nyawa 'ireguosi 'ifoloi 'iparaluu de ngini ma sirete.

⁴ Salingou nialega 'o nyawa 'iregu manga paraluu, 'uwa duga ka to ngini ma sirete.

⁵ Salingou to ngini nia 'ahu kaimatero de to ma Yesus Kristus:

⁶ Ngaro 'una kaimatero de ma Jo'oungu ma Dutu, ma 'una kowakaranawa 'ato 'awi jako ge'ena salingou 'uwa wamada.

⁷ Ma 'ena wamada 'iodumu ge'ena de womadiai 'isoka 'o yongosi moi. 'Una womadiai kaimatero de 'o nyawa de wo'ahu 'isoka 'o nyawa.

⁸ De womasidaduuku, de wisingounu ma Jo'oungu ma Dutuka sigado wosongenoka, ge'ena la wosongene 'o salipoka.

⁹ Ma sababu ge'enau so ma Jo'oungu ma Dutu posironga wisitedenoka, de wikula 'o kuasa gee 'ifoloi 'iamoko de 'o kuasa 'iregu-regu.

¹⁰ So ma ngale 'o Yesus wihoromati, 'iodumu gee 'o sorogaaka, 'o duniaka de dau yosonge-songene manga ngiioka dua wisuba 'unaka.

¹¹ De 'ona yoodumu 'asa yongose 'ato ma Yesus Kristus 'una ge'ena ma Jou; de ge'enau so ma Jo'oungu ma Dutu to ngone nanga Dea wisitedene.

¹² Sababu ge'ena 'Esa moi riaka dodoto tinisiboso-bosono! 'Isoka kokia naga ngini kaitaurika niosingou-ngounu ma 'orasi ngoi togogere nginioka, so 'ifoloiosi ne'ena gee ngone pomakakurutoka, ngini salingou tatapu niosingounu. Ngini ma Jo'oungu ma Dutu winisilahakau, so nimariwo 'uwa niomaogoro la nia sanangi ma gou-goungu 'itotomo. De niadiai ge'ena de winihoromati de winisingounu ma Jo'oungu ma Dutuka.

¹³ Sababu ma Jo'oungu ma Dutu ma sirete womanarama nginioka, la ngini niomodeke de nia'akunu niosisanangi ma Jo'oungu ma Dutu wi singina.

¹⁴ Niamanarama 'o sagala moi-moi ge'ena 'uwa niokakataiana bolo nimari-ributu,

¹⁵ la ngini niosidumutu 'ato ngini ge'ena ma Jo'oungu ma Dutu wi ngowa-ngowaka gee nia ronga ma dorou koi'iwa, gee nio'ahu de nia singina 'itebi-tebini de 'iti-tiai 'o nyawa yoti-tingkai de yosowo-sowono manga sigoronaka. 'Ona manga sigoronaka ngini salingou nimake 'itiai 'ato nioduaka niodiai 'o sagala moi-moi yaowa-owa, 'ena ngini nimasiga-gao 'o Habari ma Owaka gee 'inasi'ahu-'ahu. La niodadi 'isoka 'o darangi gee yodisiwara 'o dunia. Nako ngini nio'ahu koge'ena, ge'ena dua ngoi 'ai morene ma titi de ma 'ena ma ngale ngini, ma 'orasi ma Yesus Kristus woboali. Ge'ena ma nyo-nyata 'ato ngoi tomanarama ge'ena koiparacumawa de tomariwo ge'ena de ma hasiloka.

¹⁶ (2:15)

¹⁷ Poilia ngoi dua 'ito'oma de 'ai 'aunu 'imadadi 'isoka 'o su-suba gee yogo-gopoa 'ania su-subaku, ge'ena la 'okia naga gee niosisuba-suba ma Jo'oungu ma Dutuka, ma ngale ma no-nako 'ato ngini winingaku 'unaka. Nako la koge'ena 'idadi, ge'ena ngoi to'amalaha de mita tomorene de de ngini.

¹⁸ De ngini mita salingou niamao niosanangi de mita niomorene de de ngoi.

¹⁹ Ngoi tongaku ma Jou Yesus ma raiokau woriwo, so ngoi 'asa towisulokou 'o Timotius wotagi nginika, la 'ai singina 'ikuata de 'o habari ma ngale ngini.

²⁰ Duga ka 'o Timotius ge'ena ka 'o singina moi de de ngoi, de ma gou-goungu winitibangi womau winiriwo ngini.

²¹ Sababu 'iregu-regu 'ona ya'urusu ka to 'ona ma sirete manga paraluu, so to ma Yesus Kristus ko'uwa.

²² Ngini ma sirete niamakekau ma nyo-nyata 'ato 'una ge'ena womanarama wosigou-gounguku. 'Una de de ngoi miomanaramokau miositotara 'o Habari ma Owa, de mimasidamanarama mimariwo ma sala matero ka 'o dea de 'o ngowakou.

²³ Sababu ge'ena dua gee tosidongooka 'ai parakara ma butusangi, dua 'una towisulokou wotagi nginika.

²⁴ Ngoi tongaku ma ngale ma Jou woriwo, ngoi ma sirete mita dua koito'ingowa de taika nginika.

²⁵ Ma ngale nanga 'esa moi 'o Epafroditus gee ka 'o ngo-ngaku moi de de ngone, gee winisulokokau waino ngoino ma ngale woiriwo, 'una womanaramokau de de ngoi de mimariwo ma sala. Ngoi tamaoku 'una salingou towisuloko wolioli nginika.

²⁶ Sababu 'una woduaka ma sala nimakamakeli de de ngini nioodumu, de mita wi singina 'isusa sababu ngini nio'isenokau 'ato 'una wopanyake.

²⁷ Ma goungu 'una wopanyake rekeni wosongenoka, duga ma Jo'oungu ma Dutu widora 'unaka, de duga ka 'unakawa so 'ena ngoino mita la tobalisa 'uwa kaifoloi monga.

²⁸ Ge'enau so 'ai du-duaka kaiamoko monga ma ngale towisuloko wolio nginika, la ngini niomorenoli gee nimakamake de de 'una, la ngoi mita 'ai singina 'isanangi.

²⁹ So winidawongo de nia singina 'isa-sanangi, sababu 'una ge'ena nanga 'esa moi ngano po'ahu de ma Jou. De salingou niakihoromati 'o nyawa 'iodumu gee yoma-manarama 'isoka 'una.

³⁰ Ma ngale wadiai ma Kristus 'awi manarama, 'una wosisasaru 'awi nyawa, sigado ka ma etasi de wosongene. 'Una wadiai ge'ena 'iodumu, ngano winitagali ngini ma ngale woiriwo ngoi.

Filipi

Video Filipi 2

Ikuti Kami:

KONTAK | PARTISIPASI | DONASI