Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Areya’ para imam ban reng-oreng Lewi se abali dhari pambuwangan abareng ban Zerubabil ana’na Seyaltiyel sarta ban Imam Agung Yesuwa:

² Para imam: Seraya, Yeremiya, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abiya, Miyamin, Ma’aja, Bilga, Semaya, Yoyarib, Yedaya, Salu, Amok, Hilkiya ban Yedaya. Jareya mam-imam kapala e jamanna Yesuwa.

³ (12:2)

⁴ (12:2)

⁵ (12:2)

⁶ (12:2)

⁷ (12:2)

⁸ Reng-oreng Lewi: Pamimpinna nyanyeyan sokkor: Yesuwa, Binui, Kadmiyel, Serebiya, Yehuda ban Matanya.

⁹ Anggotana padhuwa sowara se anyanyeyagi nyanyeyan jawaban: Bakbukya, Uni ban ca-kanca sakaomma.

¹⁰ Areya’ garis toronanna Imam Agung Yesuwa: Yesuwa, Yoyakim, Elyasib, Yoyada,

¹¹ Yonatan, Yaduwa.

¹² Areya’ dhaftarra para imam kapala ban kaomma e bakto Yoyakim daddi Imam Agung: Imam ~~ Kaom; Meraya ~~ Seraya; Hananya ~~ Yeremiya; Mesulam ~~ Ezra; Yokanan ~~ Amarya; Yonatan ~~ Melikhu; Yusup ~~ Sebanya; Adna ~~ Harim; Helkai ~~ Merayot; Zakhariya ~~ Ido; Mesulam ~~ Gineton; Zikhri ~~ Abiya; … ~~ Minyamin; Piltai ~~ Mowaja; Samuwa ~~ Bilga; Yonatan ~~ Semaya; Matnai ~~ Yoyarib; Uzi ~~ Yedaya; Kalai ~~ Salai; Heber ~~ Amok; Hasabya ~~ Hilkiya; Netane’el ~~ Yedaya;

¹³ (12:12)

¹⁴ (12:12)

¹⁵ (12:12)

¹⁶ (12:12)

¹⁷ (12:12)

¹⁸ (12:12)

¹⁹ (12:12)

²⁰ (12:12)

²¹ (12:12)

²² Dhaftarra la-kapala kalowargana oreng Lewi ban kalowargana para imam la ecathet e jamanna para Imam Agung se kasebbut e baba reya: Elyasib, Yoyada, Yokanan ban Yaduwa. Catheddan jareya la mare e bakto Darius jumenneng rato Persiya.

²³ Tape parkara la-kapala kalowargana kaom Lewi pera’ ecathet sampe’ jamanna Yonatan kompoyya Elyasib.

²⁴ E bakto epimpin Hasabya, Serebiya, Yesuwa, Binui ban Kadmiyel, reng-oreng Lewi egi-bagi epadaddi pan-barampan galumpo’. Ne-samane badha galumpo’ dhadhuwa’ se kodu moji PANGERAN ban asokkor ka Salerana kalaban cara ot-saodan, menorot atoranna Rato Daud, abdina Allah rowa.

²⁵ Para panjagana labang sakethengnga Padalemman Socce se epajaga mar-kamar pangandhuwan bahanna kakanan e seddi’na labang sakethengnga Padalemman Socce iya areya: Matanya, Bakbukya, Obaja, Mesulam, Talmon ban Akub.

²⁶ Reng-oreng jareya odhi’ e jamanna Yoyakim pottrana Yesuwa bajana Yozadak ban e jamanna Gubennor Nehemiya ban Imam Ezra, ahli Hokom rowa.

²⁷ E bakto geddhungnga kottha Yerusalim eresmeyagi, reng-oreng Lewi eolok dhari kennengnganna bang-sebang, sopaja ngennenga noro’ maramme kadaddiyan jareya ban nyanyeyan sokkorra se acem-macem sarta ban mosik gambus sarta calempong.

²⁸ Kang-tokang nyanye dhari ga-kalowarga Lewi laju padha akompol dhari kennengnganna bang-sebang; badha se dhari sabingkerra Yerusalim, badha keya se dhari tha-kottha e sabingkerra Netofa,

²⁹ dhari Bet-Gilgal, Geba ban Azmawet.

³⁰ Para imam ban reng-oreng Lewi jareya ajalannagi opacara ababerse kaangguy aba’na dibi’, saellana pas kaangguy ra’yat, bang-labang saketheng ban dhung-geddhungnga kottha.

³¹ Sengko’ ngatore para pamimpin Yehuda ongga ka attassa geddhung kaangguy ngator reng-oreng se epadaddi dhu galumpo’ raja se epabarisa alenglenge kottha sambi anyanye pojiyan sokkor ka Allah. Galumpo’ se settong abaris e attassa geddhung, ajalan ka kangan, ka Labang Saketheng Bu-rombu.

³² Hosaya ajalan e budhiyanna para tokang nyanye, etoro’ bunte’ bi’ para pamimpinna oreng Yehuda.

³³ Para imam e baba reya ajalan e budhiyanna reng-oreng buru sambi nope tarompet: Azarya, Ezra, Mesulam, Yehuda, Benyamin, Semaya ban Yeremiya. E budhiyanna etoro’ bunte’ bi’ Zakhariya ana’na Yonatan, kompoyya Semaya. Bangatowana e antarana iya areya: Matanya, Mikha, Zakur dhari kaom Asaf.

³⁴ (12:33)

³⁵ (12:33)

³⁶ Se ajalan e budhiyanna iya areya para anggotana kaomma, iya areya: Semaya, Azare’el, Milalai, Gilalai, Ma’ai, Netane’el, Yehuda ban Hanani. Kabbi padha ngeba pakakassa mosik, padha ban se eagem Rato Daud, abdina Allah rowa. Imam Ezra, ahli Hokomma Allah rowa alomampa e bagiyan paleng adha’.

³⁷ Sanapa’na ka Labang Saketheng Aeng Nancel, reng-oreng jareya padha abiluk pas ongga ka dhak-ondhak se nojju ka Kottha Daud, lebat e karatonna Daud, pas terros sampe’ ka geddhung e Labang Saketheng Aeng e bagiyan temorra kottha.

³⁸ Galumpo’na tokang nyanye settonganna abaris e attassa geddhung ajalan ka kacer; sengko’ noro’ bunte’ abareng ban sabagiyan dhari ra’yat. Dhari jadhiya se abaris lebat Manara Kampowan sampe’ ka Geddhung Lebar.

³⁹ Saellana jareya pas lebat e Labang Saketheng Efraim, Labang Saketheng Laju, Labang Saketheng Juko’, Manara Hanane’el ban Manara Me’a sampe’ ka Labang Saketheng Dumba. Barisan jareya ambu e seddi’na Labang Saketheng Panjaga’an e seddi’na Padalemman Socce.

⁴⁰ Galumpo’na tokang nyanye se dhadhuwa’ jareya pas napa’ ka seddi’anna Padalemman Socce. E dhalem tang kalompo’, salaenna para pamimpin

⁴¹ badha keya mam-imam se nope tarompet, iya areya: Elyakim, Ma’aseya, Minyamin, Mikha, Elyoënai, Zakhariya ban Hananya;

⁴² se ajalan e budhiyanna iya areya Ma’aseya, Semaya, Eleyazar, Uzi, Yokanan, Malkiya, Elam ban Ezer. Para tokang nyanye jareya anyanye epimpin Yizrahya.

⁴³ E are jareya bannya’ kurban se eatorragi ka PANGERAN. Ra’yat neng-sennengngan polana Allah apareng kasennengngan se raja. Babine’an ban na’-kana’ noro’ apesta keya. Sowarana reng-oreng jareya ce’ peragga, ekaedhing sampe’ ka jauna.

⁴⁴ E bakto jareya badha reng-oreng se epajaga mar-kamar pangandhuwanna bahan kakanan, kennengngan panyempennanna sombangan kaangguy Padalemman Socce, tamaso’ tor-ator parsapolowan ban hasella bume se dha’-adha’ sabban taon. Para pangawas jareya wajib makompol sombangan jareya dhari gal-teggal e sabingkerra tha-kottha. Sombangan jareya epassra’agi ka para imam ban oreng Lewi, menorot atoranna Hokom. Reng-oreng Yehuda ngargai para imam ban reng-oreng Lewi jareya,

⁴⁵ sabab para imam ban reng-oreng Lewi jareya se ajalannagi opacara ababerse ban ra-opacara laenna se edika’agi bi’ Allah. Para tokang maenna mosik ban panjagana labang sakethengnga Padalemman Socce ajalannagi kawajibanna keya, menorot atoranna Rato Daud ban Sulaiman, pottrana.

⁴⁶ Molae jamanna Rato Daud ban ahli mosik Asaf, para tokang nyanye anyanye gu-lagu pojiyan kaator ka Allah.

⁴⁷ E jamanna Zerubabil, bariya keya e jamanna Nehemiya, ra’yat Isra’il kabbi padha aberri’ sombangan kaangguy nyokobi kabutowanna para tokang nyanye ban panjagana labang sakethengnga Padalemman Socce re-saarena. Ra’yat ngeba tor-ator se malolo kaangguy reng-oreng Lewi; bi’ reng-oreng Lewi sabagiyan dhari tor-ator jareya ebagi ka para imam toronanna Harun, se bannya’na la etantowagi.

Nehemia

Video Nehemia 12

Ikuti Kami:

KONTAK | PARTISIPASI | DONASI