Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 On ma goran-goran ni anak ni si Israel, na roh hu tanoh Masir rap pakon si Jakob, ganup rap pakon hasomanni satangga:
2 Si Ruben, Simeon, Levi pakon Juda,
3 Isasar, Sebulon pakon Benjamin,
4 Dan pakon Naftali, Gad pakon Asser.
5 Haganup ginompar ni si Jakob pitu puluh halak do; tapi anggo si Josep domma i tanoh Masir hinan.
6 Dob ai matei ma si Josep pakon haganup saninani ampa haganup na sansundut ai.
7 Dob ai lambin gargar ma halak Israel, manggompari ma sidea, lambin buei anjaha lambin margogoh tumang, pala gok tanoh ai ibahen sidea.
8 Tapi bangkit ma sada raja na baru manggomgom Masir, na so mananda si Josep.
9 Nini ma hubani bangsani, “Tonggor ma, domma gabe sada bangsa halak Israel, bueinan anjaha gogohan hun banta.
10 Eta, akal ma bahen hita, ase ulang lambin ganda sidea; lang tarsibar tubuh hamunsuhon, jadi ihasomani sidea munsuhta mangimbang hita anjaha kaluar sidea hun tanoh on.”
11 Jadi ipabangkit ma mandur manrodi sidea, laho mangarsik-arsik sidea marhitei horja na borat; ipauli sidea ma huta parbohalan bani Parao, ai ma Pitkom pakon Raemses.
12 Tapi lambin iarsik-arsik sidea, lambin buei anjaha lambin manggargari do, gabe mabiar ma halak Masir mangidah sidea.
13 Jadi marhasoman gogoh ma ibahen halak Masir marjabolonkon halak Israel,
14 iarsik sidea ma goluh ni sidea marhitei horja na borat, pauli simin pakon batu merah, pakon bagei-bagei ni horja i juma; ibagas ganup horja ni sidea ai ipaksa do sidea mangkorjahon ai.
15 Dob ai ititahkon raja ni Masir ma hubani sibasoh ni halak Heber, goran ni na sada si Sipra, goran ni na sada nari si Pua,
16 nini ma, “Anggo iurupi hanima boru Heber sanggah tubuhan tuah, pardiateihon hanima ma dakdanak ai; anggo dalahi do ai bunuh ma ia, tapi anggo naboru paturut ma manggoluh.”
17 Tapi mabiar do sibasoh ai mangidah Naibata, lang ibahen sidea songon na hinatahon ni raja ni Masir hubani sidea, tapi ipagoluh sidea do sagala dakdanak dalahi.
18 Jadi idilo raja ni Masir ma sibasoh ai, nini ma hubani sidea, “Mase ma sonon pambahennima, ipagoluh hanima do sagala dakdanak dalahi?”
19 Nini sibasoh ai ma hubani Parao, “Seng songon boru Masir boru Heber; togap-togap do sidea, lape roh sibasoh marayak sidea, domma hinsah sidea.”
20 Halani ai itumpak Naibata ma sibasoh ai; lambin tambah ma bangsa ai anjaha lambin gogoh tumang.
21 Halani ihabiari sibasoh ai Naibata, ilayak-layakkon Naibata ma hubani sidea pasu-pasu rumah tangga.
22 Jadi iparentahkon Parao ma hubani rayatni, “Sagala na etek-etek dalahi panggijigkon hanima ma hu Bah Nil in, tapi sagala na etek-etek naboru paturut hanima ma manggoluh.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA