Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Saellana jareya PANGERAN makon Yusak

² adhabu kantha reya ka oreng Isra’il, "Sengko’ la nyoro Mosa abala ka ba’na parkara tha-kottha sowaka, iya areya tha-kottha kennengnganna oreng buru nyare parlindhungan. Sateya mara pele se ekagabaya tha-kottha sowaka jareya.

³ Oreng se ta’ etengnget mate’e oreng laen olle buru ka kottha jareya sopaja salamedda dhari oreng se malessa sake’ atena.

⁴ Oreng jareya olle buru ka sala settongnga tha-kottha jareya, terros entar ka kennengnganna pangadilan e labang sakethengnga kottha jareya, sarta nerrangngagi ka para pamimpin e jadhiya baramma kadaddiyan jareya se saongguna. Oreng jareya bi’ pin-pamimpin buru bakal eedine maso’ ka kottha jareya ban eberri’i kennengngan.

⁵ Mon oreng se malessa sake’ atena jareya nyerser sampe’ ka jadhiya, oreng kottha jareya ta’ olle massra’agi oreng se buru gella’ ka oreng se nyerser jareya. Oreng jareya kodu elindhunge, sabab se mate’e oreng ta’ etengnget, banne polana baji’.

⁶ Oreng jareya olle neng e kottha jareya sampe’ eadili e adha’na oreng bannya’, ban sampe’ oreng se daddi imam agung e bakto jareya la seda. Saellana jareya oreng buru olle mole abali ka kampongnga se edina’agi buru jareya."

⁷ Daddi ommat Isra’il nantowagi tha-kottha sowaka reya e tana e bara’na Songay Yordan: Kedes e pagunongan Naftali e Galilea, Sikhem e pagunongan Efraim, ban Hebron e pagunongan Yehuda.

⁸ Dineng e temorra Songay Yordan e tana tenggi sagara beddhi e temorra Yerikho etantowagi tha-kottha sowaka reya: Kottha Bezer e dhaerana Ruben, kottha Ramot e Gileyad e dhaerana Gad, ban kottha Golan e Basan, dhaerana Manasye.

⁹ Jareya kabbi tha-kottha sowaka se etantowagi kaangguy sakabbinna oreng Isra’il ban saneyap oreng manca se badha e antarana oreng Isra’il jareya. Pa’-sapa’a se ta’ etengnget mate’e oreng, olle elindhunge e tha-kottha jareya dhari oreng se malessa sake’ atena ka aba’na; oreng jareya ta’ olle pate’e mon gi’ ta’ eadili e adha’na oreng bannya’.

Yosua

Video Yosua 20

Ikuti Kami:

KONTAK | PARTISIPASI | DONASI