Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ E settong are PANGERAN abu-dhabu ka Yunus, pottrana Amitai.

² Dhabuna, "Kassa’ ba’na entar ka Niniwe, kottha se raja rowa, kabala ja’ kottha jareya eara bi’ sengko’, polana sengko’ tao ja’ pandhudhu’na ce’ jahadda."

³ Tape Yunus la’-mala’ mangkat ka kennengngan laen nyengla’ana PANGERAN. Salerana meyos ka Yopa, ban kabendherran manggi kapal se entara ka Spanyol. Saellana majar ongkossa, Yunus ongga ka kapal jareya, pas alajar abareng ban reng-oreng kapalan ka Spanyol, kaangguy nyenglae PANGERAN.

⁴ Yunus toron ka bagiyan se paleng baba, pas marobbu e jadhiya, laju ngeddha. PANGERAN laju madhateng angen barat ka attas tase’, sarta pas dhateng kaleng busbus se mokol kapal jareya sampe’ para’ ancora. Para bandhigana kapal jareya ce’ tako’na, padha rat-tharadan menta tolong ka dibana bang-sebang. Kaangguy ngorange babaja karem, buwadanna kapal jareya ebuwang ka dhalem tase’.

⁵ (1:4)

⁶ E bakto jaraganna kapal jareya toron ka baba, e jadhiya nemmo Yunus teppa’na asaren. Ca’na jaraganna kapal jareya, "Sampeyan masa’ bisa asaren e dhalem kabadha’an se cara paneka! Tore jaga, nyo’on ka dibana me’ olle eparenge partolongan! Pasera oneng me’ pola dibana sampeyan neser ka reng-oreng se badha e kapal paneka daddi kabbi padha ta’ mate."

⁷ Saellana Yunus ban jaraganna kapal jareya ongga ka attas, reng-oreng se badha e kapal jareya padha saleng ngoca’, "Mara ellot bai, me’ olle etemmo sapa e antarana reng-oreng se badha e kapal reya se andhi’ sala, me’ sampe’ ekenneng balai kantha reya!" Reng-oreng jareya ajumbu’ ellot, ban asmana Yunus se ekenneng.

⁸ Ca’na reng-oreng jareya ka Yunus, "Ponapa lerres sampeyan se daddi lantaranna balai paneka? Sampeyan paneka dhari ka’imma? Bangsa ponapa? Aponapa sampeyan me’ badha e ka’iya?"

⁹ Saodda Yunus, "Kaula oreng Ibrani. Kaula nyemba ka PANGERAN, Allah e sowarga, se nyepta’agi tase’ sareng tenggangan."

¹⁰ Saellana jareya Yunus pas nyareta’agi baramma salerana se ngoddi nyenglae PANGERAN. E bakto ngedhing careta jareya reng-oreng e kapal jareya padha atamba tako’, sarta pas ngoca’ ka Yunus, "Sampeyan me’ ce’ lancangnga!"

¹¹ Sabatara jareya kaleng busbus jareya sajan raja, daddi reng-oreng e kapal jareya pas padha atanya ka Yunus, "Daddi sampeyan paneka bi’ kaula sadaja epakadiya ponapa me’ olle kaleng busbus paneka ambu?"

¹² Saodda Yunus, "Buwang saos kaula ka dhalem tase’, tanto kaleng busbus paneka pas ambu. Sabab samangken kaula ampon oneng, ja’ kaula se daddi sababba kaleng busbus se talebat rajana paneka ngenneng ka sampeyan sadaja."

¹³ Tape para bandhigana kapal jareya gi’ aehteyar sawat-kowadda adhajung kapalla ka tenggangan. Tape kaleng busbus jareya sajan daddi, sampe’ ehteyarra reng-oreng jareya tadha’ ollena.

¹⁴ Daddi reng-oreng jareya padha mator ka PANGERAN, "Adhu GUSTE, abdidalem sadaja nyo’ona, ja’ kantos abdidalem sadaja ka’dhinto epatompes amarga mate’e oreng se ta’ andhi’ sala sakone’a balakka’ ka abdidalem sadaja. Adhu GUSTE, Junandalem ampon alampa’agi ponapa se daddi kasokannepon Junandalem."

¹⁵ Saellana jareya Yunus pas eontallagi ka tase’ bi’ reng-oreng jareya. Samarena jareya kaleng busbus gella’ pas ceddu.

¹⁶ Para bandhigana kapal jareya pas padha tako’ ka PANGERAN, ban sanapa’na ka tenggangan, laju ngatorragi kurban ban ajanji acem-macem ka PANGERAN.

¹⁷ Sabatara jareya PANGERAN madhateng juko’ se raja se ngontal Yunus. Daddi Yunus badha neng e dhalem tabu’na juko’ jareya sampe’ tello are tello malem abidda.

Yunus

Video Yunus 1

Ikuti Kami:

KONTAK | PARTISIPASI | DONASI