Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Doyowa nosinggai no'iduduimai kon tua oyuíon im pinonika'an kong kotaí ing Kana kong Galilea, bo ki inaí i Yesus kon tua doman.
2 Ki Yesus bo murií-Nya mita inundang doman kom pesta tatua.
3 Bo naonda ing kinodaitan in anggur, ki inaí-Nya noguman ko'i Yesus, "Mosia kinodaitan in anggur."
4 Ki Yesus notubag, "Inaí, dona'aipa mokiaid in onu bo onu ko'i-Nakoí, sin diaípabií notompod i wakutu-Ku mopo'ontong intua."
5 Ta'e ki inaí i Yesus noguman kon simpaḷ mita kom pinonika'an tatua: "Aidaidon onu im pokiaíid-Nya ko'i monimu."
6 Kon tua oyuíon tampayang onom inta sinadia sim pakeíon pondaritan podudui adat in Yahudi. Tampayang tobatuí bonunya degaí mogatut noliter.
7 Daí ki Yesus noguman kon simpaḷ mita kon tua,"Bonuaidon tubig in tampayang mita tatua." Daí binonuandon doman mita monia kinongo-puling.
8 Onda intua ki Yesus noguman ko'i monia, "Tana'a ponayukaikah kon topilik nongkon tampayang tatua bo dia kon itoi im pesta bo pokinanam."
9 Bo itoi im pesta tatua nonanamdon kon tubig inta ain nobalií anggur tatua. (Ta'e diaíbií kinota'auannya mongo nongkon onda in anggur tatua, tongaíbi simpaḷ mita in nonota'au kon soaáḷ mita tatua.) Daí itoi im pesta tatua minayak dinimiug kon nonika'an ḷoḷaki,
10 bo noguman: "Biasamai intau munabií mopo'inum in anggur inta mopia totok, bo aka tamu mita mopuasdon monginum, bain tua bo poḷuaiondon in anggur inta diaí totok mopia. Ta'e ki utat in umuranbií notaguí kon anggur mopia umaai in tana'a makow!"
11 Tuata in soaáḷ mokoherang muna inta pinomia i Yesus. Tua pinomia-Nya kong Kana inta kong Galilea. Takin tanda tatua Sia nopo'ontongdon ing kawasa-Nya. Daí murií-Nya mita mopirisayadon ko'i-Nia.
12 Nopaḷut makow kon tua ki Yesus minayak ing Kapernaum noyotakin i inaí-Nya, i utat-Nya bo murií-Nya mita. Mosia nogutunpa kon tua tongonupamai degaí nosinggai.
13 Naonda in Singgai Moḷoben Paskah Intau Yahudi nodiugdon, ki Yesus minayak in Yerusalem.
14 Kom palas im Baḷoi Tuhan inta kon Yerusalem, oyuíon intau inta mopopotaḷui mita in sapi, domba, bo paḷoma, bo oyuíon doman in intau inta mopoponoliu in doit limituí makow kon tua.
15 Ki Yesus nonuḷapid kon tali bo pinomia sambok bodongka noguntun kom bayongan mahaḷuk kon tua, pinomayak domba, sapi pinoḷuai-Nya nongkon Baḷoi Tuhan. Bo meja mita inta tampat poponoliuanmai in doit sinoko-balintuang-Nya, sahingga doit nongo'irangkap.
16 Bo Sia noguman kon intau mita mopopotaḷui im paḷoma, "Tokodiadon komintan nongkon na'a. Dikabií baliíon monimu pasar im Baḷoi Amaí-Ku!"
17 Daí kinotoropandon im murií-Nya mita kon oyuíon im pinais kom bonu im Buk Mosuci nana'a: "Tabi-Ku kom Baḷoi-Mu, oh Allah, mopodoko-dokot kong gina-Ku."
18 Tongaí itoi mita in Yahudi moḷawang ko'i-Nia, mosia noguman ko'i Yesus, "Onu i mota'au po'ontong-Mu ko'inami saḷaku tanda kon oyuíon hak-Mu mogaid kon naí tana'a."
19 Tubag i Yesus, "Rumbundon Baḷoi Tuhan tana'a, bo tongaíbií kon daḷom toḷu nosinggai im poposindogan-Ku bui."
20 Itoi mita in Yahudi tatua noguman ko'i Yesus, "Opat nopuḷuh boonom notaong pinoposindogan im Baḷoi Tuhan tana'a, bo Ikow im mongaku kom mokoposindog kon tua tongaí kon daḷom toḷu nosinggai?"
21 Ta'e makusud i Yesus Baḷoi Tuhan tua in awak-Nyabií tontanií.
22 Daí tuamai naonda ing ki Yesus nobiag nongkon kinopatoian-Nya, buidon kinotoropan im murií-Nya mita, kon soaáḷ tatua pernahdon pinoguman i Yesus. Daí mosia nopirisayadon kon onu inta pinais kom bonu im Buk Mosuci bo bayongan inta siningog i Yesus.
23 Wakutu ing ki Yesus kon Yerusalempa solama in Singgai Moḷoben Paskah, nobayong intau nopirisaya sin noko'ontong kon soaáḷ mita inta mokoherang pinomia-Nya.
24 Ta'e diaíbií pirisayaan i Yesus i mosia, sing kinota'auan-Nyabií gina im bayongan intau.
25 Tuamai diaí bidon paraḷu mokodongog kong katarangan in intau ibanea, sing kinota'auan-Nya onu ing kom bonu ing gina intau.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA