Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 “Ambit gabe bah ma namin ulungku, anjaha matangku gabe sombul iluh, ase boi ahu manangisi, arian pakon borngin, na rasei humbani boru ni bangsang-Ku.
2 Ambit adong ma namin bangku rumah parbornginan i halimisan, tadingkononku ma bangsangku laho bungkas humbani sidea. Ai haganup do sidea parbangkis, partumpuan ni sipangeluk.
3 Mardilah songon sior na sinintak do sidea; ladung do, sedo hasintongan manrajai i tanoh in; marnunut do sidea mangkorjahon hajahaton, tapi anggo Ahu seng itandai sidea,” nini Jahowa.
4 Ganup ma marjaga-jaga bani hasomanni, anjaha ulang martenger ni uhur bani sanina; marsioto-otoan do sanina samah sanina, anjaha marsitukasan hasoman samah hasoman.
5 marsioto-otoan do na marhuan, anjaha sahalak pe lang sihatahon na sintong; ipasomal sidea do dilahni mangkatahon ladung; jahat do sidea, seng ra sidea mubah.
6 Marompot do sidea mandalankon odoh-odoh ampa akal-akal, manjua do sidea mananda Ahu,” nini Jahowa.
7 Halani ai sonon do nini Jahowa Zebaot, “Tonggor ma lalaon-Ku anjaha ujion-Ku do sidea, ai aha ma na legan boi bahenon-Ku bani boru ni bangsang-Ku?
8 Panah na pamatehon do dilah ni sidea, pangoto-otoion do isahapkon pamanganni; ganup do marsahap na damei bani hasomanni, tapi maggompangi do uhurni ibagas.
9 Mintor lang ma marlulu Ahu pasal on bani sidea,” nini Jahowa, “Mintor ma lang mambalas Ahu bani bangsa na sonon?”
10 Tangisi anjaha doruhi ma dolog-dolog, marhoru ma pasal sampalan na i halimisan, ai domma tarulang ai, seng dong be na mamontas hunjai, anjaha seng tarbogei be umboh ni pinahan; manuk-manuk na i awang-awang ampa binatang-binatang domma lintun, maporus ganup.
11 Bahenon-Ku do Jerusalem gabe timbunan batu, ianan bani sorigala, anjaha mareong do bahenon-Ku sagala huta ni Juda, anjaha seng dong be pangisini.
12 Ise ma halak na maruhur, gabe iarusi na masa on? Bani ise do marsahap pamangan ni Jahowa, gabe boi patugahon-Ni mase maseda tanoh in, anjaha tarulang songon halimisan, gabe seng dong na montas hunjai?”
13 Dob ai nini Jahowa ma, “Halani itadingkon sidea titah-Ku, na Hubere bani sidea, anjaha seng itangihon sidea sorang-Ku, anjaha seng marpangabak sidea romban hujai,
14 tapi uhurni na hengkeng ai do iihutkon, anjaha Baal do iirikkon, songon niajaran ni bapa ni sidea bani sidea.”
15 Halani ai, sonon do hata ni Jahowa Zebaot, Naibata ni Israel, ʻTonggor ma, ʻBahenon-Ku do bangsa on mangankon na mapaet, anjaha bereon-Ku do sidea minum bah na marrasun.ʼ
16 Erapon-Ku do sidea hu tongah-tongah ni bangsa na so tinanda ni sidea age ompung ni sidea pe; suruhon-Ku do podang hun pudi ni sidea, paima bois sidea Hubahen.
17 Sonon do hata ni Jahowa Zebaot, Ingat da, mardilo naboru sipanangisi ase roh, suruh mangalopi ase roh naboru na pandei martangis-tangis,
18 papodas ma sidea, ase ipabogeihon tangis banta, ase marabur-abur iluh humbani matanta, anjaha mabaor iluh humbani langkop ni matanta.
19 Ai tarbogei do sora na doruh-doruh hun Sion, nini, ʻInangou, domma bois hita! Bador tumang do hita, ai maningon tadingkononta do nagori on, ai domma iparseda sidea iananta.ʼ
20 Tangar ma, ale parinangon, hata ni Jahowa, anjaha ijalo pinggolnima ma hata na luar humbani pamanganni; ajarhon hanima ma tangis-tangis bani borunima, anjaha ganup mangajarhon bani hasomanni doding tangis-tangis on:
21 Domma manangkih hamatean masuk humbani jandelanta, domma imasuki rumah bolonta, laho manraseihon dakdanak na i alaman pakon garama na i alaman bolag.
22 Marrageian do bangkei songon napu i juma, songon radean ipudi ni panabi, seng dong na patumpuhon.”
23 Sonon do hata ni Jahowa, “Sai ulang ma ienjengkon halak na pentar hapentaranni, ulang ma iunsagahkon siparkuasa kuasani, anjaha ulang ma ihagijangkon na bayak habayakonni.
24 Tapi barang ise, na sihol tarpuji, marhitei on ma ia pujion, ai ma, na maruhur ai ia anjaha itandai Ahu, paboa Ahu do Jahowa na mandalankon idop ni uhur, hasintongan ampa hapintoron i tanoh on; ai halak sisonai do rosuh ni uhur-Hu,” nini Jahowa.
25 “Tonggor ma, na roh ma panorangni,” nini Jahowa, “Jadi marlulu ma Ahu bani haganup ma marsunat bani sibur-siburni tumang, ai ma: bani Masir, bani Juda, bani Edom, bani Amon pakon bani Moab, ampa bani haganup halak na i halimisan, na marlepong jambulanni ibahen; ai haganup bangsa-bangsa on ampa haganup ginompar ni Israel seng marsunat uhurni ibagas.
26 Seng marguna parsunaton pardarat tumang.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA