Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Imam Pashur anak Immer kap kepala i bas Rumah Pertoton. Tupung ibegina aku ngerana kerna perkara-perkara si enda ndai kerina,
2 isuruhna kalak ngeligasi aku jenari masungken aku i deher Pintu Gerbang Benyamin si arah datas i bas Rumah Pertoton.
3 Pepagina kenca aku nggo itangtangi Pashur i bas pasungen nari ningku man bana, "Lanai Pashur gelarndu ibahan TUHAN. Tapi genduari gelarndu isambari jadi Kebiaren Arah Apai Pe.
4 TUHAN jine si ngatakenca, 'Kubahan maka mbiar kam man bandu dingen teman-temanndu pe mbiar ngenehen kam. Janah idahndu me ia kerina itampuli imbang-imbangna alu pedang. Kuendesken kerina kalak Juda kuteruh kuasa raja Babilon. Deba ibabana tertaban ku Babilon janah si deban itampulina alu pedang.
5 Kupediat pe imbang-imbangna ngerampuki kerina erta-erta kota enda, bage pe ibuatna sikerajangenna ras kebayakenna, rikut ras erta-erta raja pe, jenari iangkut ku Babilon.
6 Kerna kam o Pashur, kam ras keluargandu itangkap jenari iangkut ku Babilon. I jah mate me kam, jenari ikuburken, ras kerina teman-temanndu si nggo pernah ibualindu.'"
7 O TUHAN, nggo ItipuNdu aku, emaka tertipu aku. Gegehen kap Kam asangken aku emaka nggo ItalukenNdu aku. Kerina kalak nokoh-nokohi aku, gedang-gedang wari iuru-uruna aku.
8 Tep-tep ngerana, terpaksa aku serko ningku, "Kerina sigegeh gegeh, kerina ikernepken!" O TUHAN, erkiteken nehken KataNdu, gedang-gedang wari aku iuru-uru ras igombangi kalak.
9 Tapi tupung kukataken, "Kulupakenlah TUHAN, lanai aku ngerana i bas gelar TUHAN," emaka KataNdu desken api, si gurlah i bas pusuhku. Ngutkut i bas tulanku. Kucubaken sinik, tapi la tersinikken aku.
10 Kubegi kerina kalak kusik-kusik, "Arah ja pa pe kebiaren! Ota siaduken ia man si erkuasa!" Temanku si ndeher kal pe itimaina pergulingku nina, "Entah mawen banci ia sitipu jenari sitangkap lako erbalas man bana."
11 Tapi, O TUHAN, Kam kap ras aku. Kam kap gegehku, Kam kap si mbisangku. Kerina kalak si ngayak-ngayak aku la banci la guling. Lalap pagi mela iakapna. Perban la ia ngasup ngeligas aku, mela iakapna; rasa lalap la terlupakenca.
12 O TUHAN si Mada Kuasa, Kam kap si nguji kalak alu bujur. IetehNdu kai si lit i bas pusuh ras ukurna. Emaka bahan maka kuidah Kam erbalas nandangi imbang-imbangKu, sabap nggo kuendesken perkarangku ku bas TanNdu.
13 Rendelah man TUHAN! Pujilah TUHAN! Ia kap si mulahi kalak si itindih i bas kuasa kalak jahat nari.
14 Sumpahilah wari tubuhku! Ulanai inget wari tupung nandengku mupus aku!
15 Sumpahilah kalak si erbahan meriah iakap bapangku tupung isehkenna bana berita enda, "Dilaki! Nggo tubuh sada anakndu dilaki!"
16 Balilah ia ras kota-kota enda, kota si ikernepken TUHAN alu la alang-alangen. Erpagi-pagi ibeginalah sora nderkuh, ingan sora surak-surak perang,
17 erkiteken la ibunuhna aku ope denga tubuh. Adi bage bertin nandengku kap min ndai jadi kuburenku.
18 Ngkai maka aku tubuh? Ngenanami kiniseran; ras si pagitna ngenca, engkeriken umur geluhku i bas kemelan?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA