Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Turun anjaha hundul ma bani orbuk, ho anak boru Babel! Hundulhon bani tanoh, seng marparatas, ho boru Kasdim! Seng be goranon ho naboru na lamlam anjaha na jenges.
2 Alop losung, duda nitak! Padaoh tudung-tudungmu, anjaha tanggali baju ganjangmu; marbasahan ho, dipari ma binanga ai!
3 Talar ma hatalanjangonmu anjaha taridah hailaonmu; sihol do Ahu marlulu, jolma pe lang Hulioi,
4 nini, “Sipaluah hita, ai ma Jahowa Zebaot, Na Pansing ni Israel.”
5 Sip ho hundul, anjaha laho ma hubani na golap, ale boru Kasdim! Ai seng be goranon ho, boru jujungan ni harajaon-harajaon.
6 Manggila do Ahu bani bangsang-Ku, Hupaturut do butak parbagianan-Ku; Huondoskon do sidea hubagas tanganmu, tapi seng marholong ni atei ho bani sidea; bani na matua pe itampeihon ho do pasanganmu na borat ai.
7 Nim, “Sadokah ni dokahni do ahu dong, boru jujungon do ahu lalap!” Seng iparuhurhon ho ai atap ipingkiri ho, sonaha ujung ni ai.
8 Halani ai tangihon ma on, ale siparmegah-megah, ho na hundul marsonang-sonang, na mangkatahon ibagas uhurmu, “Ahu ma da in, seng dong sobali ahu!” Seng anjai mabalu ahu, seng anjai popor ahu!
9 Na dua on maningon mangonai bam, sompong ibagas na sadari: Hapoporon ampa habaluon maningon roh do bam ibagas parsuhatan na gok, age pe buei uti-utiannima anjaha marhagogohon tabas-tabasmu.
10 Ipangajamkon ho do hajahatonmu, nim, “Seng dong na mangidah ahu!” Hapentaranmu ampa habotohonmu do na pakahouhon ho, gabe ihatahon ho ibagas uhurmu, “Ahu ma da in, seng dong sobali ahu!”
11 Tapi roh ma bam hamagouan, na so boi tulakonmu, mangonai ma bam hasedaon, na so tarlembangi ho; sompong do ho malonglong, na so niagak ni uhurmu.
12 Nunut ma tongon uti-utianmin ampa hinabuei ni tabasmin, na hinalojahonmin humbani sietek-etekonmu nari, ra tolap do ho mangurupi, ra tarpambiar-biari ho do.
13 Loja ni in ho ibahen buei ni sipodahi ho, jongjong ma tongon sidea mangurupi ho, sisibari langit ai, na mardiateihon bintang-bintang ai, na pabotohkon aha na sihol roh bam, bani ganup poltak ni bulan.
14 Tonggor ma, songon tompoh-tompoh do sidea siboiskonon ni apuy; seng tarpaluah sidea dirini humbani gara ni apuy. Ai apuy ai sedo bahen pandadangan ai, sedo apuy tataring ai, na boi sidohoran.
15 Sonon do masa bam humbani halak na hinopkopmu, humbani hasomanmu martiga-tiga humbani sietek-etekonmu nari: Ganup sidea lintun marsitohu dalanni; seng dong na paluahkon ho.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA