Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ PANGERAN adhabu, "He, Babil, mara ba’na toron dhari korse karaja’anna, pas toju’ neng e tana. Sateya ba’na ta’ lowes ban ta’ raddin kantha lamba’na.

² Gilis teppong e pagilisan batona; bukka’ burgu’na ba’na jareya, sengkap errogga sampe’ etangale’e bettessa, pas lengkae ngay-songay.

³ Oreng bakal nangaleyana ba’na abangkang, epamalo ban eya-seya. Sengko’ malessa sake’ ate ka ba’na, tadha’ se epalopoda maske settonga."

⁴ Allah se socce se esemba Isra’il mabebas sengko’ ban ba’na, asmana PANGERAN Se Mahakobasa.

⁵ PANGERAN adhabu ka Babil, "Neng-enneng ja’ acaca’an, maso’ ka pettengnga; ba’na ta’ esebbuda pole ‘Ratona sakabbinna karaja’an.’

⁶ Lamba’ Sengko’ peggel ka Tang ommat, bi’ Sengko’ ta’ eanggep Tang andhi’ pole. Reng-oreng jareya bi’ Sengko’ pas ebagi ka ba’na, ban ba’na ta’ neser ka reng-oreng jareya, la’-mala’ se wa-towa bi’ ba’na etendhes ce’ kejjemma.

⁷ Ba’na nyangka daddiya rato salanjangnga, ta’ apangrasa otaba mekkere dhi-budhina.

⁸ Daddi mara edhingngagi Sengko’ reya, he, reng-oreng se nyerser kasennengngan! Ba’na apangrasa aman odhi’na, ban tadha’ se padha ban ba’na. Ca’na pangrasana ba’na, ba’na ta’ kera daddi randha, ban toronanna ba’na ta’ kera mate.

⁹ Tape pera’ sakejja’, e dhalem bakto saare bai, parkara se dhadhuwa’ jareya kalakon kabbi. Maske ba’na ngangguy seher ban wa’-duwa’, lakena ban ana’na ba’na tanto padha erenggut keya.

¹⁰ Ba’na apangrasa aman e dhalem kajahadanna, parsangka’anna ba’na bi’ Sengko’ ta’ eabassagi tengkana. Ba’na sala jalan polana kabicaksana’an ban pangataowanna dibi’, pangrasana ba’na tadha’ se akantha ba’na.

¹¹ Tape ba’na bakal nemmowa balai, elmo seherra ba’na ta’ bisa nolak balai jareya. Ba’na bakal kadhatengngana balai ban ba’na ta’ kera bisa nangkes. Pate bakal dhatengnga dadagan, ta’ eka-sangka sabellunna.

¹² Paterros ban wa’-duwa’ sarta seherra jareya, se marepot ba’na dhari gi’ kene’na. Sapa tao jareya badha gunana ka ba’na, ekenneng angguy ko’-nako’e so-mosona.

¹³ Ba’na lesso polana kabannya’an babala’an. Soro kang-tokang tebbagga ba’na nyander masalamet ba’na; reng-oreng se la nalektegi saneyap padduna langnge’ ban ajar parkara tang-bintang, ban saneyap bulan ngodha aramallagi baramma papasthenna ba’na.

¹⁴ Abas, reng-oreng jareya akantha darameyan se ekello’ apoy; masalamet aba’na dibi’ balakka’ ta’ bisa! Rabbangnga apoy ekarassa talebat panassa, banne akantha apoy e bakto kacellebben se maanga’ badanna.

¹⁵ Jareya gunana tokang ramal monggu ka ba’na se marepot ba’na molae gi’ kene’na; ba’na edina’agi kabbi padha nyengla, tadha’ se aberri’ partolongan settonga."

Yesaya

Video Yesaya 47

Ikuti Kami:

KONTAK | PARTISIPASI | DONASI