Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Gurun pasir ras taneh kerah-kerah meriah pagi iakapna, taneh mesawang ersurak janah erbunga.
2 Gurun pasir bungana mbue, ersurak meriah janahna rende. Gurun pasir e bali pagi jilena ras Deleng Libanon, bali mehumurna ras juma-juma Karmel ras Saron. Tep-tep kalak ngidah kehagan TUHAN -ta, ngidah kuasa Dibata ras KemulianNa.
3 Tan si nggo latih pegegehilah, tiwen si nggo nggirgir bahanlah maka enteguh.
4 Katakenlah man si tumpat ukur, "Piherken ukurndu ula kam mbiar, Reh me Dibata, IpulahiNa me kam, musuh-musuhndu kerina iukum."
5 Emaka kalak pentang erpengidah pagi, kalak pasek erpemegi.
6 Kalak cempang lompat-lompat desken belkih, kalak si la beluh ngerana ersurak-surak alu meriah. Pultak me sumbul lau i bas gurun pasir, i bas taneh mesawang turah lau maler.
7 Kersik si melas salih jadi dano, i bas taneh kerah erburak-burak ulu lau. Taneh si gelgel nari ingan biang kerangen nggeluh, genduari turah i je rengo.
8 Lit pagi sada pasar i je, si igelari "Dalan si Badia". Kalak perdosa la lit sada pe erdalan arah e, kalak motu la ibabaina papak kalak si erdalin rassa.
9 La lit i je singa, la lit mentas arah e rubia-rubia si merawa. Kasa kalak si nggo ipulahi TUHAN, tupung mulih arah eme ia kerina erdalan.
10 Alu dem keriahen seh ia i Jerusalem kerina, rende ras ersurak meriah kal akapna. Seh rasa lalap malem me atena, asa ndigan pe lanai atena ndele, lanai atena ceda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA