Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Reh me warina maka rende kalak nina, "Kupuji Kam, o TUHAN, sabap IapuliNdu aku. Mbarenda nembeh AteNdu aku, tapi genduari lanai AteNdu merawa.
2 Dibata kap keselamatenku, man BaNa aku ernalem, emaka la aku mbiar. TUHAN kap si mereken kuasa ras keriahen man bangku; Ia kap keselamatenku.
3 Bagi lau malem mereken keriahen man kalak si muas, bage pe bangsa Dibata ermeriah ukur tupung Dibata ngkelini ia."
4 Reh me warina maka kam rende, nindu, "Kataken bujur man TUHAN! Lebuhlah Ia, pindo PenampatNa. Beritaken man bangsa-bangsa kerna PerbahanenNa, turiken uga belinna Dibata!
5 Rendelah muji TUHAN erkiteken PerbahanenNa si mbelin. Bahan maka kerina doni megi berita e.
6 Ersurak ras rendelah o anak kuta Sion! Dibata si Badia nu Israel tuhu mulia; Ia ringan i tengah-tengahndu."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA