Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 “Eta, mulak ma hita bani Jahowa! Tongon, Ia do na mamparsilbak, tapi Ia do na pamalum hita; Ia do na mangugahi, tapi Ia do na manambari hita.
2 Dob dua ari pagoluhon-Ni do hita, patolu-arihon ipapuho do hita, ase manggoluh hita i lobei-Ni.
3 Botoh hita ma anjaha haringgaskon hita ma na manandai Jahowa; sai na poltak do Ia songon buha siang ari, sai na roh do Ia banta songon udan, songon udan mula-mula na mangarbahi tanoh.”
4 “Aha do tarbahen Ahu bam, ale Efraim? Aha do tarbahen Ahu bam, ale Juda Ai songon hombun sogod-sogod do holongnima, songon namur na podas habang.
5 Halani ai Hubogbog do sidea marhitei nabi-nabi, Hubunuh marhitei hata na humbani pamangan-Ku ase poltak uhur-Hu songon haliharon.
6 Ai idop ni uhur do na Huharosuhkon, sedo galangan, panandaion pasal Naibata, sedo galangan situtungon.
7 Igalar sidea do padan i huta Adam; mangosei do sidea ijai hu Bangku.
8 Gilead ai ma huta ni halak sihorjahon hajahaton, gok bokas ni daroh.
9 Songon panamun na manggompangi halak, sonai do hulanan ni malim-malim; mamunuhi do sidea bani dalan na laho hu Sikem, tongon, mangkorjahon hasamboron do sidea.
10 I Betel Huidah do na majangin ijai, ijai do parriah-riahon bani Efraim, hona butakan do Israel.
11 Ho pe ale Juda, sisabion ma!”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA