Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 On ma ginompar ni si Esau, ai ma si Edom.
2 Ibuat si Esau ma parinangonni humbani boru Kanaan: Si Ada boru ni si Elon, marga Het pakon si Oholibama, boru ni si Ana, anak ni si Zibeon marga Hewi,
3 pakon si Basmat, boru ni si Ismael, botou ni si Nebayot.
4 Dob ai itubuhkon si Ada ma bani si Esau si Elipas; si Basmat manubuhkon si Rehuel;
5 anjaha si Oholibama manubuhkon si Jehus, si Jaelam pakon si Korah. Ai ma anak ni si Esau, na tubuh bani i tanoh Kanaan.
6 Dob ai iboan si Esau ma parinangonni, anakni, boruni, ampa haganup halak na adong i rumahni, pinahanni ronsi haganup artani, na pinaidukni i tanoh Kanaan; jadi bungkas ma ia hu sada tanoh, daoh humbani si Jakob, anggini ai.
7 Ai mabueitu do arta ni sidea anggo rap sidea marianan; seng boi tarparmudu tanoh panginsolatan ni ai sidea, halani hinabuei ni pinahan ni sidea.
8 Jadi marianan i pardologan Seir ma si Esau, ai ma si Edom.
9 On ma ginompar ni si Esau, ompung ni halak Edom i pardologan Seir.
10 On ma goran ni anak ni si Esau: Si Elipas anak ni si Ada, parinangon ni si Esau; si Rehuel anak ni si Basmat, parinangon ni si Esau.
11 Anak ni si Elipas ai ma: Si Téman, si Omar, si Zefo, si Gaetam pakon si Kenas.
12 Dihut do si Timna iparjolma si Elipas, anak ni si Esau ai; itubuhkon ma si Amalek bani si Elipas. Ai ma ginompar ni si Ada, parinangon ni si Esau.
13 On do anak ni si Rehuel: Si Nahat, si Zera, si Samma pakon si Misa. Ai ma pahompu ni si Basmat, parinangon ni si Esau.
14 On do anak ni si Oholibama, boru ni si Ana, anak ni si Zibeon, parinangon ni si Esau; itubuhkon ma bani si Esau, si Jehus, si Jaelam pakon si Korah.
15 On do kopala-kopala ni anak ni si Esau. Humbani si Elipas, anak sikahanan ni si Esau: Kopala Teman, kopala Omar, kopala Zefo, kopala Kemas,
16 kopala Korah, kopala Gaetam pakon kopala Amalek; ai ma kopala-kopala humbani si Elipas i tanoh Edom; sidea ma anak ni si Ida.
17 Anjaha on ma anak ni si Rehuel, anak ni si Esau: Kopala Nahat, kopala Zera, kopala Samma pakon kopala Misa; ai ma kopala-kopala humbani si Rehuel i tanoh Edom; sidea ma anak ni si Basmat, parinangon ni si Esau.
18 On ma anak ni si Oholibama, parinangon ni si Esau: Kopala Jehus, kopala Jaelam pakon kopala Korah; ai ma kopala-kopala humbani si Oholibama, boru ni si Ana, parinangon ni si Esau.
19 On ma anak ni si Esau, ai ma si Edom, anjaha ai ma kopala-kopala ni sidea.
20 On ma anak ni si Seir, halak Hori, isi ni tanoh ai: Si Lotan, si Sobal, si Zibeon, si Aha,
21 si Dison, si Ezer pakon si Disan; on ma kopala-kopala ni halak Hori, sagala anak ni si Seir i tanoh Edom.
22 Anak ni si Lotan ai ma: Si Hori pakon si Heman; botou ni si Lotan ai ma si Timna.
23 Anjaha on ma anak ni si Sobal: Si Alwan, si Manahan, si Ebal, si Sefo pakon si Onam.
24 Ia anak ni si Zibeon ai ma: Si Aja pakon si Ana. Si Ana on ma na jumpahan bah milas i halimisan, sanggah na marmahan halode ni bapani ia.
25 Anak ni si Ana ai ma si Dison; anjaha si Oholibama ai ma boru ni si Ana.
26 Anak ni si Dison ai ma: Si Hemdan, si Esban, si Jitran pakon si Keran.
27 Anak ni si Ezer ai ma: Si Bilhan, si Zawan pakon si Akan.
28 Anak ni si Disan ai ma: Si Uz pakon si Aran.
29 On ma ganup kopala ni halak Hori: Kopala Lotan, kopala Sobal, kopala Zibeon, kopala Ana,
30 kopala Dison, kopala Eser pakon kopala Disan. Ai ma kopala ni halak Hori, mangihutkon marga ni sidea i tanoh Seir.
31 On do raja-raja, na manrajai i tanoh Edom, sanggah seng dong ope raja na manggomgom halak Israel:
32 Si Bela, anak ni si Beor, manggomgom Edom; ia goran ni hutani Dinhaba do.
33 Matei ma si Bela, jadi si Jobab anak ni si Zerah na hun Bosra ma, gantihni manrajai.
34 Matei ma si Jobab, jadi si Husam na hun tanoh ni halak Teman ma gantihni manrajai.
35 Matei ma si Husam, jadi si Hadad anak ni si Bedad ma gantihni manrajai, na manaluhon si Midian i talun ni halak Moab; Awit do goran ni hutani.
36 Matei ma si Hadad, jadi si Samla na hun Masreka ma gantihni manrajai.
37 Matei ma si Samla, jadi si Saul na hun Rehobot, na i topi ni bah banggal ai ma gantihni manrajai.
38 Matei ma si Saul, jadi si Baal-Hanan anak ni si Akbor ma gantihni manrajai.
39 Matei ma si Baal-Hanan anak ni si Akbor ai, jadi si Hadar ma gantihni manrajai; Pau do goran ni hutani anjaha goran ni parinangonni si Mehetabel, boru ni si Matred, na tinubuhkon ni si Mesahab.
40 On ma goran-goran ni kopala-kopala humbani si Esau, mangihutkon sundut, ianan pakon goran ni sidea: Kopala Timna, Alwa, Jetet,
41 Oholibama, Ela, Pinon,
42 Kenas, Téman, Mibsar,
43 Makdiel pakon Iram. Ai ma kopala-kopala ni halak Edom mangihutkon ianan ni sidea i tanoh ginomgoman ni sidea; ai ma si Esau ompung ni halak Edom.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA