(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Syedara Filemon, sabat dan rakan kamoe! Ulôn, Paulus, sidroe ureuëng huköman sabab lé Isa Almaseh, meusajan deungon syedara ulôn Timotius, kamoe tuléh surat nyoe keu gata.
2 dan keu jeumaáh nyang na meusapat dirumoh gata; meunan cit keu syedara tanyoe ureuëng inong nyang nan jih Apfia dan rakan saboh peujuangan ngon geutanyoe Arkhipus.
3 Kamoe meuharab that seumoga Allah Bapak geutanyoe dan Tuhan Isa Almaseh geubri beureukat dan seujahteura ubak gata.
4 Tieb-tieb ulôn meudoá, ulôn kheun nan Gata dan lôn lakée teurimong gaséh ubak Po teu Allah.
5 Sabab ulôn deungoe bahwa Gata biet-biet meuiman ubak Tuhan Isa dan gata gaséh banmandum umat Allah.
6 Ulôn meudoá mangat meusyedara geutanyoe sibagoe ureuëng-ureuëng meuiman teuma jipeuhase peungeurtian nyang leubeh rayeuk ateueh banmandum beureukat nyang na bak geutanyoe sabab meusaboh ngon Almaseh.
7 Syedara lôn Filemon, geunaséh gata ateueh banmandum umat Allah, keubiet mangat that até lôn dan ngon lagée nyan ka teubri durongan keu ulôn nyoe! Banmandum umat Allah ka jeuet keu geumbira sabab lé Gata.
9 Teuma sabab ulôn kugaséh Gata, nyang kheueh sabab jih lôn lakée mantong. Ulôn nyoe sidroe ureuëng tuha nyang jinoenyoe teungoh keunong teun lam peunjara sabab lé Isa Almaseh.