Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Jadi sanggah martonggo ope si Esra anjaha mambahen pansopotkonon bani dousa, tangis anjaha manrogop i lobei ni Rumah ni Naibata, martumpu ma hu lambungni humbani halak Israel sada tumpuan na banggal tumang, dalahi, naboru pakon dakdanak doruh-doruh do bangsa ai.

² Dob ai roh ma balos ni si Sekanya, anak ni si Jehiel, humbani ginompar ni si Elam, nini ma dompak si Esra, “Domma mangosei padan hanami hubani Naibatanami, halani ra hanami marhajabuan pakon naboru na legan humbani bangsa pangisi ni nagori on; tapi tene adong ope siarapkonon bani Israel age sonari.

³ Halani ai mambahen padan ma hita hubani Naibatanta, laho palahohon sagala naboru on ampa dakdanak ni sidea romban hubani rosuh ni uhurni, tuannami, ampa rosuh ni sagala na marhabiaran bani titah ni Naibatanta; maningon romban hubani titah ai do bahenon.

⁴ Jongjongkon ham ma, ai ham do sidalankon ai, anjaha ihasomani hanami pe ham, tenger ma uhurmu, horjahon ham ma ai!”

⁵ Dob ai jongjong ma si Esra, anjaha ipabija ma pangintuai-pangintuai ni malim, halak Levi pakon ganup Israel, paboa na maningon bahenon ni sidea do songon na dob hinatahon ai. Jadi marbija ma sidea.

⁶ Dob ai laho ma si Esra hun lobei ni rumah ni Naibata, masuk ma ia hu kamar ni si Johanan, anak ni si Eliasib, anjaha ijai ma ia sabornginni ai, seng mangan ruti barang minum bah ia; ai pusok do uhurni, halani pangoseion ni halak, na mulak hun habuangan ai.

⁷ Dob ai isuruh ma maningtingkon i Juda pakon Jerusalem hubani haganup halak na tarbuang, na dob mulak ai, maningon martumpu sidea hu Jerusalem;

⁸ anjaha barang ise na so roh hujai ibagas tolu ari, romban hubani haputusan ni sipambobai pakon pangintuai-pangintuai, maningon siapkonon do sagala ugas-ugasni, anjaha maningon pabalion ia humbani tumpuan ni halak na tarbuang ai.

⁹ Jadi martumpu ma ganup dalahi hun Juda pakon Benjamin hu Jerusalem ibagas na tolu ari ai, ai ma ari dua puluh bulan siah. Hundul ma ganup bangsa ai i alaman ni rumah ni Naibata, hitir-hitir halani parsahapan ai pakon halani udan doras.

¹⁰ Dob ai jongjong ma Malim Esra, nini ma dompak sidea, “Banggal do dousa nasiam, ai ibuat nasiam do boru na legan, gabe itambahi nasiam do marhitei ai salah ni Israel.

¹¹ Ai pe, sopotkon nasiam ma dousa nasiam ai hubani Jahowa, Naibata ni ompung nasiam, anjaha horjahon nasiam ma rosuh-Ni, sirang ma nasiam humbani bangsa ni tanoh on pakon humbani naboru na legan.”

¹² Jadi ibalosi tumpuan ai ma ganup marhitei sora na gogoh, “Ai ma tongon; songon hatamu ai ma horjahononnami.

¹³ Tapi buei tumang do bangsa on, anjaha musim udan ma, seng tartahan halak jongjong i darat on. Anjaha seng horja sisadari barang sidua ari on, ai banggal tumang do panlanggaronnami pasal on.

¹⁴ Mahua kopalanami ma tading gantih ni ganup tumpuan in; jadi maningon ganup ma halak na i hutanta, na dob mambuat boru na legan roh bani panorang na dob tinontuhon rap pakon pangintuai pakon panguhum ni ganup huta ai, ronsi surut hun banta ringis ni Naibata, halani dousa on.”

¹⁵ Pitah si Jonatan, anak ni si Asael, pakon si Jehasia, anak ni si Tikwa do na manlawan ai, anjaha si Mesulam pakon si Sabbetai, halak Levi ai mangapiti sidea.

¹⁶ Jadi ibahen halak na tarbuang ai ma sonai. Ipilih si Esra ma deba halak, kopala-kopala ni mar sasaompung humbani ganup ginompar ni ompungni bei, anjaha ganup sidea tarsobut goranni, martumpu ma sidea ari sada bulan sapuluh, laho mamareksa pahara ai.

¹⁷ Jadi marujung ma parsahapan ai ibahen sidea pasal ganup dalahi na mambuat boru na legan ronsi ari sada bulan sada.

¹⁸ Jumpah ma humbani anak ni malim, na mambuat boru na legan, humbani ginompar ni si Jesua, anak ni si Josadak, pakon sanina ni si Maaseya, si Elieser, si Jarib pakon si Gedalya;

¹⁹ pala do ipadankon sidea, maningon paulakon ni sidea do parinangon ni sidea ai, anjaha galangkonon ni sidea sada biribiri tunggal bahen galangan parsalahan.

²⁰ Humbani ginompar ni si Immer: Si Hanani pakon si Sebaya;

²¹ humbani ginompar ni si Harim; Si Maaseya, si Elia, si Semaya, si Jehiel pakon si Usia;

²² humbani ginompar ni si Pasur: Si Elioenai, si Maaseya, si Ismael, si Nataneel, si Josabad pakon si Eleasa;

²³ humbani halak Levi: Si Josabad, si Simei, si Kelaya (ai ma si Kelita), si Petaya, si Juda pakon si Elieser,

²⁴ humbani pandoding: Si Eliasib; humbani sijaga horbangan: Si Salum, si Telem pakon si Uri.

²⁵ Humbani halak Israel: Humbani anak ni si Paros: Si Ramya, si Jissia, si Malkia, si Miyamin, si Eleasar, si Hasabya pakon si Benaya;

²⁶ humbani ginompar ni si Elam: Si Matanya, si Sakaria, si Jehiel, si Abdi, si Jeremot pakon si Elia;

²⁷ humbani ginompar ni si Sattu: Si Elioenai, si Eliasib, si Matanya, si Jeremot, si Sabat pakon si Asisa;

²⁸ humbani ginompar ni si Bebai: Si Johanan, si Hananya, si Sabai, si Altai;

²⁹ humbani ginompar ni si Bani: Si Mesulam, si Malluk pakon si Adaya, si Jasub, si Seal pakon si Jeremot;

³⁰ humbani ginompar ni si Pahat-Moab: Si Adna, si Helal, si Benaya, si Maaseya, si Matanya, si Besaleel, si Binui pakon si Manase;

³¹ humbani ginompar ni si Harim: Si Elieser, si Jisia, si Malkia, si Semaya, si Simeon,

³² si Benjamin, si Malluk pakon si Semarya;

³³ humbani ginompar ni si Hasum: Si Matnai, si Matata, si Sabad, si Elipelet, si Jeremai, si Manase pakon si Simei;

³⁴ humbani ginompar ni si Bigwai: Si Maadai, si Amram, si Joel,

³⁵ si Benaya, si Bedeya, si Keluhu,

³⁶ si Wanya, si Meremot, si Eliasib,

³⁷ si Matanya, si Matnai, si Jasai;

³⁸ humbani ginompar ni si Binui: Si Simei,

³⁹ si Helemya, si Natan, si Adaya,

⁴⁰ si Maknadbai, si Sasai, si Sarai,

⁴¹ si Asareel, si Selemya, si Semarya,

⁴² si Salum, si Amarya, si Josep;

⁴³ humbani ginompar ni si Nebo: Si Jehiel, si Matitya, si Sabad, si Sebina, si Jadai, si Joel, si Benaya.

⁴⁴ Haganup sidea mambuat boru na legan, anjaha ipalaho sidea ma sidea rap pakon dakdanak ni sidea.

Ezra

Video Ezra 10

Ikuti Kami:

KONTAK | PARTISIPASI | DONASI