Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu ka sengko’, "He, manossa se ta’ langgeng, careta’agi ka reng-oreng Isra’il parompama’an
2 se ekoca’agiya Sengko’, GUSTE Allah Se Mahatenggi ka reng-oreng jareya. Badha mano’ rajabali se talebat rajana, buluna bagus, kalembangnga lebar sarta kowat. Mano’ jareya ngabber ka gunong Libanon, metthek konco’na bungkana comara.
3 (17:2)
4 Konco’na bungkana comara jareya egiba pas esaba’ e settong kottha dagang se ramme.
5 Saellana jareya mano’ buru laju ngala’ men-tamennan se ngodha dhari tana Isra’il, pas etamen e tana se landhu, se ta’ tao kakorangan aeng.
6 Tamennan jareya tombu daddi bungkana anggur se mandhap tape nalar san-kassannagi. Ka-cangkana addhep ka mano’ rajabali jareya, dineng ramo’na koko maso’ ka dhalem tana. Bungkana anggur jareya ce’ gumbussa.
7 Sabatara jareya badha mano’ rajabali laen se talebat rajana; kalembangnga lebar ban buluna kandel. Bungkana anggur gella’ ramo’ ban ka-cangkana laju addhep ka mano’ rajabali se buru dhateng jareya, maksodda sopaja mano’ jareya endha’a aberri’ aeng abannya’an dhari se badha e teggal jareya.
8 Mangkana bungkana anggur jareya la tombu e tana se landhu, se bannya’ aengnga sampe’ dhaunna gumbus, buwana lebba’, ban tombu daddi bungkana anggur se bagus.
9 Daddi Sengko’, GUSTE Allah Se Mahatenggi atanya’a, ba’ bisa’a bungkana anggur jareya terros odhi’ ban atamba raja? Apa kerana mano’ rajabali se jang adha’an rowa ta’ adabu’ bungka jareya sampe’ ka mo’-ramo’na, ngarothes buwana, motel ka-cangkana, pas adina’agi bungka jareya sampe’ elop? Mon gun adabu’a bungka jareya ka mo’-ramo’na ta’ parlo bannya’ kakowadan otabana bangsa se kowat.
10 Bendher tombuna la koko, tape apa kerana bisa terros odhi’ ban atamba raja? Apa kerana ta’ eloba mon ekenneng angen temor? Apa kerana ta’ kerrenga e kennengngan se epanamenne jareya?"
11 PANGERAN adhabu ka sengko’,
12 "Tanya’agi ka para pamberonta’ rowa ba’ ngarteya ka parompama’an gella’. Kabala ka reng-oreng jareya ja’ rato Babil la dhateng ka Yerusalim, ngangko’ rato Yehuda ban ja-pangrajana kottha egiba ka Babil.
13 Rato Babil mele settong e antarana balana rato Yehuda jareya, agabay parjanjiyan ban oreng jareya; oreng jareya esoro asompa estowa ka aba’na. Rato Babil jareya nyanderra reng-oreng penting
14 sopaja karaja’an Yehuda ta’ jaga’a pole, ban menangka tanggungan ja’ parjanjiyan jareya eteptebbi ongguwan.
15 Tape rato Yehuda aberonta’, ngerem otosan ka Messer menta jaran ban tantara sabannya’na. Apa kerana bisa’a ahasel? Apa kerana rato jareya bisa’a lolos? Ta’ kera rato Yehuda jareya bisa mongkere parjanjiyan ta’ kalaban narema okoman!
16 Bit nyama Sengko’, Allah se odhi’, GUSTE Allah Se Mahatenggi, rato Yehuda jareya bakal mateya e Babil polana mongkere sompa ban parjanjiyanna bi’ raja Babil se matoju’ aba’na e tahtana.
17 La’-mala’ tantara Messer se talebat kowadda rowa, ta’ sanggup nolonge ngadhebbi serbuwanna oreng Babil se agabay tombuganna tana ban ngale lok-sellogan kaangguy mate’e oreng sabannya’na.
18 Sarrena rato Yehuda jareya mongkere sompa ban parjanjiyanna, daddi ta’ kera bisa lolos.
19 Bit nyamana Sengko’, Allah se odhi’, GUSTE Allah Se Mahatenggi, rato Yehuda bi’ Sengko’ eokoma polana mongkere parjanjiyanna ban rato Babil, mangkana la asompa ngangguy Tang nyama ja’ neptebbana parjanjiyan jareya.
20 Sengko’ masanga jala epamega’a rato jareya. Bi’ Sengko’ egiba’a ka Babil, eokoma e dhissa’, polana ta’ esto ka Sengko’.
21 Tantarana se paleng bagus bakal mateya e dhalem paperrangan, dineng se bisa lolos bakal abalessadana san-kassannagi. Daddi Tang ommat tao ja’ Sengko’, PANGERAN, la ngoca’."
22 Reya’ se edhabuwagi GUSTE Allah Se Mahatenggi, "Dhari bungkana comara se tenggi Sengko’ ngetthoga konco’na, sarta motella ranca’na se ngodha; ranca’ jareya bi’ Sengko’ etamenna e gunong se sampe’ ka langnge’ tenggina.
23 E gunong se paleng tenggi e Isra’il ranca’ jareya bi’ Sengko’ etaccekkagiya. E jadhiya ranca’ buru bakal nyelbi’a ban kalowar buwa, pas daddi bungkana comara se bagus tor raja. No’-mano’ bakal alebuna e jadhiya, e baba’anna nyare pangaoban.
24 Sakabbinna kajuwan sanagara jareya bakal taowa ja’ Sengko’ PANGERAN. Bungka se tenggi bi’ Sengko’ epoger, se mandhap epatombu sampe’ tenggi. Bungka se cengngar bi’ Sengko’ epakerreng bungka se kerreng epanyelbi’. Sengko’, PANGERAN, la ngoca’. Sabarang Tang oca’ bakal kalakona."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA