Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dage enda me peduakaliken raja ras Haman man-man ras Ester. Sangana minem-minem anggur, isungkun raja ka sekali nari Ester nina, "Genduari, o kemberahen, turiken dage sura-surandu, maka kubereken. Setengah pe kerajanku enda, tentu kubereken."

² (Est 7:1)

³ Ngaloi Kemberahen Ester, "Adi mekuah atendu raja, adi meriah ukurndu nehken pemindonku si meteruk enda, sura-surangku eme: pelepas min aku ras bangsangku nggeluh.

⁴ Sabap aku ras bangsangku nggo idayaken gelah ibunuh. Bicara kami idayaken terjeng iperbudak saja ngenca, tentu sinik saja aku. Tapi kami nandangi ikernepken, imasapken!"

⁵ Emaka nungkun Raja Ahasweros, "Ise pang erbahan si bage? I ja kalakna?"

⁶ Erjabap Ester nina, "Musuh kami, imbang kami, eme Haman si jahat enda!"

⁷ Megi si e mbiar tuhu-tuhu Haman i lebe-lebe raja ras kemberahen. Tedis raja, merawa kal ia, jenari itadingkenna ingan man-man ndai, lawes ia ku peken istana. Iidah Haman maka raja nggo erbahan ketetapen i bas ukurna guna ngukum ia, emaka tetap ideherina kemberahen Ester lako mindo perkuah atena.

⁸ Idabuhkenna bana ku bale-bale Kemberahen Ester mindo ampun. Tapi rembang tupung si e, mulih raja i bas peken e nari. Ngidah si e, alu sora megang nina raja, "Ei! I lebe-lebengku, i bas istanangku pe atem ngelakoken lagu la mehuli nandangi kemberahenku?" Dungna kenca ibelasken raja kata ndai minter reh suruh-suruhen raja, itutupina takal Haman.

⁹ Kenca bage nina Harbona sekalak i bas suruh-suruhen e nari, "Tiang gantungen pe nggo lit ipajekkenna i rumahna, dua pulu dua meter ganjangna. Ate Haman gelah i je igantungken Mordekai, kalak si nggo nelamatken kam." "Gantung Haman i je!" nina raja.

¹⁰ Emaka igantung me Haman i bas tiang gantungen si ipajekkenna guna Mordekai. Kenca bage maka nggo mbergeh mulihi ukur raja.

Ester

Video Ester 7

Ikuti Kami:

KONTAK | PARTISIPASI | DONASI