Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Rahanan do barita na madear ase minak na morum, anjaha dearan ari parmatei humbani ari partubuh.
2 Rahanan do laho hu rumah na marpusok ni uhur ase hu rumah na marpesta-pesta; ai ijai taridah ujung ni sagala jolma manisia, anjaha halak na manggoluh patut ma parimbagaskononni ai.
3 Rahanan do na marpusok ni uhur ase na tartawa, ai horu ni uhur do na padearhon paruhuran.
4 Uhur ni halak na pentar sai i rumah partangisan do, tapi uhur ni halak na oto i rumah parpestaan do.
5 Rahanan do manangihon pinsang-pinsang ni halak na pentar, humbani na manangar doding ni halak na oto.
6 Tongon, songon parhuratak ni soban duri-duri i toruh ni hudon, sonai do partawa ni halak na oto. On pe sisoya-soya do.
7 Tongon, odoh-odoh do mambahen oto halak na pentar, anjaha sisip parseda paruhuran.
8 Dearan do na manginteihon hadobanni humbani parmulaanni, dearan do paruhur na sabar humbani si gijang uhur.
9 Ulang maurahtu uhurmu manggila, ai ringis ibagas uhur ni halak na oto do ai marianan.
10 Ulang hatahon, “Mase ma dearan ari sapari humbani sisonari?” Ai seng sungkun-sungkun na pentar na sonai ai.
11 Dear do hapentaran marhasoman arta tean-teanan; surungan do ai bani halak na mangidah mata ni ari.
12 Ai tarbahen do marlinggom bani hapentaran age bani pirak; tapi hasurungan ni habotohon: Hapentaran ai do mambere goluh bani halak simadasi.
13 Papangkei ma horja ni Naibata; ise ma tarbahen papintorhon na dob pinageduk-Ni?
14 Bani ari na madear marmalas ni uhur ma ho; anjaha bani ari na masambor paruhurhon ma: Naibata do manjadihon na sada ampa na legan ai, ase ulang ibotoh jolma atap aha na sihol masa.
15 Haganupan on domma huidah ibagas goluhku sisoya-soya on: Adong do halak parpintor magou ibagas hapintoronni, anjaha adong homa halak parjahat sayur matua ibagas hajahatonni.
16 Ulang ma mapintortu ho, anjaha ulang ma mapentartu; mase ma parsedaonmu dirimu?
17 Ulang ma majahattu ho, anjaha ulang ma gabe halak na oto ho; mase ma rahanan matei lape jumpah panorangni?
18 Dear do, anggo ijolom ho na sada on, anjaha ulang homa maluah tanganmu humbani na sada ai; ai barang ise na mabiar mangidah Naibata, bansah do ia humbani haganupan ai.
19 Hapentaran ai do margogohi halak na pentar, lobih humbani sapuluh halak puanglima, na adong ibagas huta.
20 Tongon, seng dong halak parpintor i tanoh on, sihorjahon na madear tumang, anjaha na so ongga mardousa.
21 Homa, sagala hata na hinatahon ni halak, ulang ma parimbagaskon ai; ulang ma tangi ho bani juakjuakmu na mamurai ho.
22 Ai lang ibotoh ho do homa ibagas uhurmu, na gati do ho mamurai halak na legan?
23 Haganupan on domma huuji marhitei hapentaran, ningku, “Sihol pentar do ahu!” Hape lambin daoh do hapentaran ai humbangku.
24 Daoh do sagala na adong ai anjaha bagas tumang; ise ma na boi jumpahan ai?
25 Dob ai hupagoling ma uhurhu, sihol mananda, mamareksa pakon mangidah hapentaran pakon panimbangion, anjaha sihol mananda, ia hajahaton ai ma haotoon, anjaha haotoon ai ma podou.
26 Jadi jumpah ahu ma: Janginan do humbani hamatean naboru, na dob songon puhot ia, uhurni songon jarot, anjaha tanganni songon tali panangkut; halak harosuh ni Naibata maluah do hun bani, tapi sipardousa hona tangkap do ibahen.
27 Tonggor ma, on do na jumpah ahu, nini Parambilan ai, sada-sada huuji, laho mambuat panrimpunanni;
28 na dob marulak-ulak hupareksa, tapi seng jumpah ahu: Jumpah ahu do sada dalahi humbani saribu halak, tapi anggo naboru, seng jumpah ahu i tongah-tongah ni ganupan ai.
29 Tonggor ma, on tumang do na jumpah ahu, ai ma, bujur do jolma in itompa Naibata, tapi buei do ranggi-ranggian ni uhurni.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA