Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kuidah maka kinilabujuren si mesangat ilakoken i bas pertibi enda.
2 Man deba kalak ibereken Dibata kebayaken, kehamaten dingen melala erta janah kai pe atena banci ibuatna. Tapi la ibere Dibata ia ngenanami kerina PemereNa e. Tapi kalak si la itandaina nge si ngenanami kinibayakenna ndai. Emaka kerina nge sia-sia dingen la payo.
3 Aminna pe sekalak jelma lit anakna seratus kalak dingen cawir ka ia metua tapi adi labo malem atena dingen la ia ndatken penguburen, rikutken pengakapku ulin anak-anak mate tubuh asangken kalak ndai.
4 Sabap nandangi anak-anak mate tubuh labo dalih man bana tubuh ntah lang; lawes ia kempak dalin kegelapen jenari minter ilupaken.
5 Langa pernah idahna sinalsal matawari, bage pe langa pernah ietehna ertina nggeluh enda, seh maka malem atena medem i bas ingan pengadi-ngadinna.
6 Ulin e asangken kalak nggeluh dua ribu tahun tapi la pernah malem atena. I babo si e kerina, duana nge seri perlawesna.
7 Manusia erdahin guna man ngenca, tapi la pernah bias.
8 Dage kai lebihna kalak pentar asangken kalak motu? Kai kelebihen kalak musil amin mehuli gia laguna?
9 Kerina nge e sia-sia bali ras nangkap angin. Madin puas siakap kerna kai si lit i bas kita asangken lalap kam merincuh nandangi si debanna.
10 Sinasa lit enda, nai nggo leben lit. Sieteh maka manusia labo ngasup erperkara ngelawan kalak si gegehen asangken ia.
11 Reh usurna ia ngelawan reh lanai litna ertina rananna, kai pe la lit untungna man bana.
12 Uga pemeteh kalak kai si mehulina i bas kegeluhen si kentisik dingen la erguna enda? Ma bali kin ras awih perlawesna? Uga pemeteh kalak kai si jadi i bas doni enda adi ia nggo mate?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA