Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 (13-2) Anggo jongjong i tongah-tongah nasiam sada nabi barang halak siparnipi, anjaha ibere bamu sada tanda barang halongangan,
2 (13-3) anjaha mangasi do tanda barang halongangan, na dob pinatugahni ai hinan bamu, anjaha anggo ihatahon, “Eta ma, irikkon hita ma naibata na legan, na so tinanda nasiam hinan, anjaha marsombah ma hita hujai!”
3 (13-4) Ulang ma tangihon nasiam hata-hata ni nabi na sonai, ai na manlajou nasiam do Jahowa Naibata nasiam, sihol botohon-Ni barang na tongon do nasiam mangkaholongi Jahowa Naibata nasiam humbani ganup uhurmu pakon ganup hosahmu.
4 (13-5) Maningon Jahowa Naibata nasiam irikkonon nasiam, anjaha Ia habiaran nasiam, maningon ramotkonon nasiam tonah-Ni anjaha tangihonon nasiam sora-Ni, maningon balosan nasiam Ia anjaha marsijoloman nasiam Bani.
5 (13-6) Tapi anggo nabi barang halak siparnipi na sonai maningon pamateon do halani iajarhon parbalikon humbani Jahowa Naibata nasiam, na dob mangarahkon nasiam luar hun Masir, anjaha na dob manobus ham hun rumah parjabolonan, mambahen manlembang ham humbani dalan, na tinonahkon ni Jahowa Naibatamu bamu, sidalananmu. Ase maningon paholangonmu do hajahaton ai hun tongah-tongahmu.
6 (13-7) Anggo iojur-ojur saninamu ham, hasomanmu sainang, barang anakmu, barang borumu, barang parinangonmu sandiri, barang huan-kuanmu haudungan ni uhurmu, nini, “Eta ma hita mambalosi naibata na legan, na so tinandamu barang na so tinanda ni ompungmu,
7 (13-8) ai ma naibata ni bangsa na inggot nasiam, na dohor bamu barang na daoh humbamu, humbani ujungni tanoh na sada, das hu ujungni tanoh na sada nari.”
8 (13-9) Seng bulih balosanmu ia, anjaha seng bulih tangihononmu ia; seng bulih maidop uhurmu mangidahsi, barang piaraonmu ia, barang ponopkononmu ia;
9 (13-10) tapi maningon bunuhonmu do ia, tanganmu sandiri patut parlobei mangonai laho mamunuhsi, dob ai pe ase ganup tangan ni bangsa in.
10 (13-11) Maningon matei ia pargijigonmu bani batu, halani iojur ham marbalik humbani Jahowa Naibatamu, na mangarahkon ham luar hun tanoh Masir, hun rumah parjabolonan.
11 (13-12) Jadi ganup ma Israel mambogeisi, gabe mabiar, gabe lang be inunut mambahen hajahaton na sonai i tongah-tongah nasiam.
12 (13-13) Anggo ibogei ham ibagas sada huta, na binere ni Jahowa Naibatamu bamu bahen iananmu, nini ijai,
13 (13-14) “Domma luar deba dalahi paruhur jahat hun tongah-tongahmu, anjaha iajar-ajari do marbalik pangisi ni huta ni sidea, nini do, ʻEta hita, ase sombah hita naibata na legan, na so tinanda nasiam.”
14 (13-15) Jadi maningon sungkunonmu, pareksaonmu anjaha tulimatonmu ai; anjaha tonggor ma, anggo sintong do ai, anjaha tongon do masa sihagigihonon ai i tongah-tongah nasiam,
15 (13-16) maningon bunuhon nasiam do pangisi ni huta ai marhitei mata ni podang, maningon siapkonon nasiam do ai, sagala na ibagas huta ai pakon pinahanni marhitei mata ni podang,
16 (13-17) Maningon patumpuon nasiam do ganup taban-taban ai hu tongah-tongah ni alaman bolag, jadi maningon tutungonmu ma huta ai pakon taban-taban ai bani apuy, gabe galangan situtungon bani Jahowa Naibatamu, ase gabe timbunan batu sadokah ni dokahni; seng boi paulion huta ai.
17 (13-18) Seng bulih age aha longkot bani tanganmu humbani sisiapkonon ai; sai marpangulaki ma uhur ni Jahowa humbani pargajag ni ringis-Ni, anjaha ibere bamu idop ni uhur, anjaha holong atei-Ni mangidah ham, anjaha ipabuei ham songon na binulawankon-Ni bani ompungmu.
18 (13-19) anggo itangihon ham sora ni Jahowa Naibatamu, anjaha iramotkon ham ganup tonah-Ni, sagala na hutonahkon in bamu sadari on laho mangkorjahon na pintor bani pangidah ni Jahowa Naibatamu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA