Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 I bas tahun si pemena sanga Belsasar jadi raja i Babilon, i bas sada berngi ernipi aku, janah kuidah sada pengenehenen. Kusuratken nipingku e janah enda me turi-turin,
2 kerna kai si kuidah i bas berngi e: Angin rembus kerina dampar nari, janah lau lawit si mbelang mesangat pengembusna.
3 Emaka mulgap empat rubia-rubia si galang i bas lawit nari, pelain-lain tempasna sada ras si debanna.
4 Rubia-rubia si pemena tempasna bagi singa, tapi lit kabengna bagi kabeng rajawali. Sanga kupernehen, mesepak kabengna e. Rubia-rubia e iangkat, jenari ipetedis bagi manusia. Kenca bage man bana ibereken ukur manusia.
5 Rubia-rubia si peduaken tempasna bagi beruang, tedis alu nahena si arah pudi. I bas babahna ikaratna telu rangrang. Emaka lit sada sora ngatakenca nina, "Terusken, panlah daging asa besurndu!"
6 Tupung kupernehen, mulgap ka rubia-rubia si deban. Tempasna bagi arimo tapi i bas gurungna lit empat kabeng, seri ras kabeng perik. Takalna lit empat; janah teridah kal ia erkuasa.
7 Sanga aku ngenen-ngenen, mulgap ka rubia-rubia si peempatken. Rupana mejin janah man kebiaren, seh kal gegehna. Alu ipen besina ingatngatina kai si ijerngemna, jenari iperjakina seh melumat. Si enda la bali ras rubia-rubia si deban, janah lit sepuluh tandukna.
8 Sanga kuperdiateken tandukna e, kuidah sada tanduk si kitik-kitik turah i kelang-kelang tanduk si deban. Telu i bas tanduk si nggo lit ndai meruah ibahanna. Tanduk si kitik-kitik e ermata bagi mata manusia, janah babahna melasken cakap si megombang.
9 Sanga kupernehen, itamaken me piga-piga kursi kinirajan i bas inganna. Ia si nggo nggeluh rasa lalap kundul i bas sada kursi. Uisna mbentar bagi salju, janah bukna bali ras mbulu biri-biri si la lit man pandangen. Kursi kinirajanna eme api si gurlah, janah rodana api si gara.
10 Api ndarat i bas kursi e nari desken lau maler. I je lit meribu-ribu kalak si erdahin guna ia, janah erjuta-juta manusia tedis i adep-adepenna. Ibenaken me pengadilen e, jenari italangi me kitap-kitap kerina.
11 Tupung aku ngenehen ku je, kubegi denga tanduk si kitik-kitik ndai melasken cakap meganjang alu megombang. Sanga kuperdiateken, rubia-rubia si peempatken ibunuh, jenari bangkena ibenterken ku gara api e seh keri meseng.
12 Rubia-rubia si deban ibuat kuasana, tapi ipelepas denga nggeluh seh paksa si tertentu.
13 I bas pengenehenenku berngi e, kuidah sekalak manusia, nusur tare embun, jenari idahina ia si nggeluh rasa lalap e, jenari ibaba ngadap.
14 Man bana ibereken kuasa, kehamaten, ras kuasa kinirajan, gelah kerina manusia i bas tep-tep bangsa, suku, ras cakap, nembah man bana. Kuasana rasa lalap la ermasap-masap, janah kinirajanna la erkeri-kerin.
15 Pengenehenen si kuidah ndai mahanca gulut ukurku, janah mbiar pe aku.
16 Kudeheri kalak si tedis i je jenari kusuruh ia nuriken antusenna man bangku. Emaka iturikenna bangku antusenna.
17 Nina, "Rubia-rubia si galang si empat e, eme empat kerajan si nandangi pajek i doni.
18 Janah bangsa Dibata si Meganjangna, ngaloken kuasa kinirajan me pagi, janah i bas ia me kuasa e asa si ndekah-ndekahna."
19 Kenca bage merincuh aku metehsa tole kerna rubia-rubia si peempatken e, si la bali ras rubia-rubia si deban, eme rubia-rubia si mejin si ngeripukken alu silu-silu tembagana ras alu ipen besina, janah kenca bage iperjakina.
20 Janah merincuh aku meteh kerna tandukna si sepuluh i bas takalna bage pe tanduk si pudin turahna si mahanca telu tanduk si deban ndabuh. Lit matana janah babahna melasken cakap meganjang alu megombang. Rubia-rubia si e belinen asangken si debanna.
21 Tupung kupernehen, tanduk ndai erperang ras bangsa Dibata jenari italukenna bangsa Dibata e.
22 Kenca bage, ia si nggeluh rasa lalap e reh mereken putusen si bujur man bangsa Dibata si Meganjang e. Paksana nggo seh maka bangsa Dibata ngaloken kuasa kinirajan.
23 Enda me keterangen si iberekenna man bangku, "Rubia-rubia si peempatken eme kerajan si peempatken si turah pagi i doni, janah la bali ras kerina kerajan-kerajan si deban. Doni enda iripukken dingen iperjakina.
24 Tanduk si sepuluh e, eme sepuluh kalak raja si erkuasa i bas kerajan e. Kenca bage reh me sada raja si deban, raja si enda lain kal ras raja-raja si debanna si leben asa ia, janah idabuhkenna telu kalak raja.
25 Cakapna ngelawan Dibata si Meganjangna janah bangsa Dibata itindihna. Icubakenna ngobahken undang-undang agamana ras wari-wari raya janah bangsa Dibata lit i teruh kuasana telu setengah tahun dekahna.
26 Kenca bage runggu me pengadilen Surga, jenari ibuatna kuasa raja e, janah ikernepkenna raja e seh masap.
27 Kuasa ras kemulian, ras kerina kerajan si i doni ibereken man bangsa Dibata si Meganjangna. Kuasa kinirajanna rasa lalap la erkeri-kerin, janah kerina pemerentah i doni erdahin janah patuh man bana."
28 Enda me pendungi turi-turin e. Mbiar kal aku, emaka mbulan ayongku, janah kerina kubuniken i bas ukurku.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA