Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai nini Jahowa ma hubani si Musa pakon hubani si Aron,
2 “Maningon marsaran halak Israel ganup dohorhon manderani ai, dohorhon partinandaan ni sidea mar sasaompung, anjaha maningon marsaran sidea mandompakkon lampolampo partumpuan ai inggot.
3 Hampit lobei, hampit hapoltakan ni mata ni ari ma marsaran Juda dohorhon manderani rap pakon balani; si Nahason, anak ni si Aminadab do pambobai ni halak Juda ai.
4 Anjaha balani na tarbilang ai pitu puluh ompat ribu onom ratus halak do bueini.
5 I lambungni marsaran do marga Isasar, anjaha si Natanael, anak ni si Zuar do pambobai ni halak Isasar ai.
6 Anjaha balani na dob tarbilang ai, lima puluh ompat ribu ompat ratus halak do bueini.
7 Dob ai marga Sebulon, anjaha si Eliab, anak ni si Helon do pambobai ni halak Sebulon ai.
8 Anjaha balani na dob tarbilang ai, lima puluh pitu ribu ompat ratus halak do bueini.
9 Bahat ni na tarbilang humbani parsaranan Juda saratus ualuh puluh onom ribu ompat ratus halak do bueini, marbanjei-banjei. Sidea do na maningon mardalan parlobei.
10 Hampit dangsina do mandera ni marga Ruben rap pakon balani, anjaha si Elisur, anak ni si Sedeur do pambobai ni halak Ruben ai.
11 Anjaha balani na tarbilang ai ompat puluh onom ribu lima ratus halak do bueini.
12 Anjaha i lambungni marsaran do marga Simeon, anjaha si Selumiel, anak ni si Surisadai do pambobai ni halak Simeon ai.
13 Anjaha balani na dob tarbilang ai, lima puluh siah ribu tolu ratus halak do bueini.
14 Dob ai marga Gad, anjaha si Eliasab, anak ni si Rehuel do pambobai ni halak Gad ai.
15 Anjaha balani na dob tarbilang ai, ompat puluh lima ribu onom ratus lima puluh halak do bueini.
16 Ganup na tarbilang ai humbani parsaranan Ruben, saratus lima puluh sada ribu ompat ratus lima puluh halak do bueini marbanjei-banjei. Sidea do na maningon bingkat paidua.
17 Dob ai bingkat ma lampolampo partumpuan ai rap pakon tumpuan ni halak Levi i tongah-tongah ni tumpuan na legan ai; domu hubani partibal ni sidea na marsaran ai, lanjar sonai do sidea bingkat ganup bani iananni bei mangihutkon manderani bei.
18 Hampit hasundutan do mandera ni marga Efraim rap pakon balani, anjaha si Elisama, anak ni si Amihud do pambobai ni halak Efraim ai.
19 Anjaha balani na tarbilang ai ompat puluh ribu lima ratus halak do bueini.
20 Anjaha i lambungni marsaran do marga Manase, anjaha si Gamaliel, anak ni si Pedasur do pambobai ni halak Manase ai.
21 Anjaha balani na dob tarbilang ai tolu puluh dua ribu dua ratus halak do bueini.
22 Dob ai marga Benjamin, anjaha si Abidan, anak ni si Gideon do pambobai ni halak Benjamin ai.
23 Anjaha balani na dob tarbilang ai, tolu puluh lima ribu ompat ratus halak do bueini.
24 Ganup na tarbilang ai humbani parsaranan Efraim, saratus ualuh ribu saratus halak do bueini marbanjei-banjei. Sidea do na maningon bingkat paitolu.
25 Hampit utara do mandera ni marga Dan rap pakon balani, anjaha si Ahieser, anak ni si Amisadai do pambobai ni halak Dan ai.
26 Anjaha balani na dob tarbilang ai, onom puluh dua ribu pitu ratus halak do bueini.
27 Anjaha i lambungni marsaran do marga Asser, anjaha si Pagiel, anak ni si Okran do pambobai ni halak Asser.
28 Anjaha balani na dob tarbilang ai ompat puluh sada ribu lima ratus halak do bueini.
29 Dob ai marga Naftali, anjaha si Ahira, anak ni si Enan do pambobai ni halak Naftali.
30 Anjaha balani na dob tarbilang ai, lima puluh tolu ribu ompat ratus halak do bueini.
31 Ganup na tarbilang ai humbani parsaranan Dan, saratus lima puluh pitu ribu onom ratus halak; anjaha parpudi do sidea bingkat rap pakon manderani.
32 Ai ma ganup na tarbilang humbani halak Israel mar sasaompung; ganup na tarbilang ibagas parsaranan ai mangihutkon balani na marbanjei-banjei ai onom ratus tolu ribu lima ratus lima puluh halak do bueini.
33 Tapi anggo halak Levi seng ibilangi i tongah-tongah ni halak Israel songon na tinonahkon ni Jahowa hinan hubani si Musa.”
34 Jadi ibahen halak Israel ma haganup songon na tinonahkon ni Jahowa hubani si Musa; marsaran ma sidea domu hubani manderani bei; sonai homa bingkat ma sidea mar sasamarga pakon mar sasaompung.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA