Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Jop, kam ngelawan bangKu, Dibata si Mada Kuasa, nggit kam genduari talu, tah itoganndu denga atendu Aku?"

² (Ayb 40:1)

³ [Nina Jop,] "TUHAN, labo lit kai kal pe ergangku; kai nari kin jabapku BaNdu? Madin kusompel saja babahku,

⁴ (Ayb 40:3)

⁵ sabap nggo mbuesa pe si tuhuna rananku."

⁶ Kenca bage ngerana ka TUHAN sekali nari man Jop i bas angin meter nari.

⁷ [Erjabap TUHAN nina,] "O Jop, adi dilaki kin kam tuhu, jabap dage penungkunenku.

⁸ Pang kam ngatakenca maka Aku la bujur, janah nalahken Aku, gelah kam teridah benar?

⁹ Megegeh kin kam bagi Aku? Banci kin sorandu, erlenggur bagi sorangKu?

¹⁰ Di bage, oseilah bandu salu kemulian ras kedolaten, uisi bandu salu kehamaten ras kehagan.

¹¹ Tataplah kerina kalak si meganjang ukurna, tungkasken rawandu, peteruklah ia.

¹² Tataplah, jenari sarenken ia ku teruh; i ja ia tedis, i je minter ripukken.

¹³ Tanemken kerina ku teruh taneh; iket i bas doni kematen.

¹⁴ Kenca bage, Aku me si lebena mujiken kam, dingen ngakuisa maka alu gegehndu jine nggo menang kam.

¹⁵ Perdiatekenlah Behemat, si kuda Nil raksasa; ia, bage pe kam, Aku nepasa. Bali ras lembu, dukut gagatenna.

¹⁶ Tapi dagingna ras urat-uratna seh kal gegehna;

¹⁷ ikurna bagi batang kayu asir kengna, janah urat pahana, seh kal teguhna.

¹⁸ Tulan-tulanna piher bagi pipa tembaga, janah nahena paguh desken batang waja.

¹⁹ I bas kerina tinepangKu, ia me si mersikna, si Nepa ia ngenca ngasup nalukenca.

²⁰ Ingan gagatenna turah uruk-uruk i ja rubia-rubia si meliar gawah-gawah.

²¹ I teruh kayu si erduri, gempang ia, janah cebuni, i tengah batang bero bas paya-paya.

²² Rambah si erduri inganna cilinggem, batang dalu-dalu inganna cecio.

²³ Reh pe lau mbelin, la ia mbiar, la aru atena, aminna ergalun pe Lau Jordan nendeng ayona.

²⁴ Ise pang nangkapsa alu mentangken matana? Tah pe namaken tinali alu nustus igungna?