Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ E bakto lok-mahlok sowarga ngadhep PANGERAN pole, Se Panggudha rowa badha keya e antarana.

² Dhabuna PANGERAN ka Se Panggudha jareya, "Dhari dhimma ba’na?" Saodda Se Panggudha, "Abdidalem dhateng alengleng e saantero bume."

³ Dhabuna PANGERAN, "Apa ba’na la ngabassagi Ayyub Tang abdi rowa? E saantero bume tadha’ oreng se esto ban becce’ atena akantha Ayyub jareya. Salanjangnga abakte ka Sengko’ ban ta’ tao alako jahat sakale. Paggun esto ka Sengko’ maske ba’na la nyacae Sengko’ macalaka’a aba’na ta’ kalaban badha sababba."

⁴ Saodda Se Panggudha jareya, "Nyaba sareng kasehadan lebbi aji katembang arta. Manossa ta’ eman kaelangan sadajana dhi’-andhi’epon sokor gi’ bisa odhi’ terros.

⁵ Saompamaepon Junandalem nyake’e badanna, tanto Ayyub pas abasto Junandalem!"

⁶ Daddi PANGERAN adhabu ka Se Panggudha, "Iya, mara, soka’na ba’na, epabaramma’a bai Ayyub jareya bi’ ba’na, tape ja’ pate’e."

⁷ Se Panggudha pas nyengla dhari ajunanna PANGERAN; badanna Ayyub epaporowan molae dhari pa’-dapa’na sokona sampe’ ka konco’na obu’na.

⁸ Ayyub pas alenggi e seddi’na tombuganna bu-rombu, pas mondhut la’-bella’anna belling epagaru badanna.

⁹ Ca’na rajina, "Ba’na me’ gi’ esto ka Allah? Ca’-koca’e, ra, Allah jareya, mon mare ba’na pas te-mate!"

¹⁰ Saodda Ayyub, "Cacana ba’na akantha oreng gendheng! Masa’ sengko’ ban ba’na coma narema’a nyamanna bai dhari Pangeran, mon badha se ta’ nyaman etolaga?" Daddi, maske ngadhebbi mosiba acem-macem kantha jareya, Ayyub paggun ta’ adhabu pa-apa se ta’ narema ka kasokanna Allah.

¹¹ Balai se ngenneng ka Ayyub jareya ekaedhing bi’ kancana katello, iya areya Elifas dhari kottha Téman, Bildad oreng Su’ah ban Zofar oreng Na’amah. Se katello jareya aparembagan entara nyapot Ayyub, alepora atena.

¹² Tape e bakto nangale’e dhari jauna, se katello jareya para’ ta’ taowa ja’ jareya Ayyub. Daddi se katello jareya pas nanges epakaja, laju nyebbit kalambina sarta nabur abu ka bang-abang ban ka cethagga bang-sebang.

¹³ Pettong are pettong malem abidda se katello jareya toju’ e tana, e seddi’na Ayyub, padha ta’ ca’-ngoca’ pa-apa sabab tao saapa berra’na kasangsara’anna Ayyub jareya.

Ayub

Video Ayub 2

Ikuti Kami:

KONTAK | PARTISIPASI | DONASI