Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O kalak Israel, begikenlah kata TUHAN si IbelaskenNa kerna kam, kam si sada bangsa si IbabaNa i Mesir nari. Bagenda nina,
2 "I bas kerina bangsa-bangsa si lit i doni enda kam ngenca bangsa si Kutandai dingen si Kuarak-arak. Em sabapna maka la banci la Kuukum kam erkiteken dosa-dosandu."
3 Lit kin dua kalak ras erdalan adi la ia leben nggo erpadan?
4 Lit kin singa erdengum i bas kerangen adi langa ia jumpa si man jerngemenna? Lit kin anak singa erdengum i bas liangna adi langa lit tangkapenna?
5 Lit kin perik kena ragum adi la lit empuna i bas ragum e? Banci kin ragum sayep adi la lit si ngkuitca?
6 Adi iembus terompet i bas kota, banci kin kalak la mbiar megisa? Banci kin reh cilaka ku sada kota adi la bekas penuruh TUHAN?
7 Kai pe la ilakoken TUHAN si Erdolat adi la lebe IpetangkasNa sura-SuraNa man suruh-SuruhenNa, eme nabi-nabi.
8 Megi sora singa erdengum, ise kin la mbiar? Megi TUHAN si Erdolat ngerana, ise kin ngasup la meritaken KataNa?
9 Momokenlah man kalak si ringan i bas istana raja-raja Mesir ras Asdot, bagenda, "Pulunglah i das uruk-uruk sekelewet Samaria; pernehenlah uga rontangna ras jahatna si ilakoken i bas kota e."
10 Nina TUHAN, "I bas rumahna si mbelin ipepulungna melala barang-barang si idatca arah kejahaten ras kinirawan. La itehna pe nehken si bujur.
11 Erdandanken si e, ikepung musuh me negerina, bentengna iruntuhken, dingen rumahna si mbelin e irampasi."
12 Nina TUHAN, "Bagi idat permakan dua nahe tah sitik nari ngenca i bas cuping biri-biri si ipan singa, bage me pe piga-piga kalak nari ngenca pagi tading kalak Samaria si genduari medem-medem alu senang i das bale-bale si mejile.
13 Genduari, begikenlah, janah persingetilah man kesusuren Jakup," nina TUHAN si Erdolat si Mada Kuasa.
14 "Tupung warina Kuukum bangsa Israel erkiteken dosa-dosana, Kukernepken pagi batar-batar ingan ersembah i Betel. Kerina tanduk batar-batar Kupenggelken dingen Kudabuhken ku taneh.
15 Rumah-rumah guna paksa mbergeh ras paksa ngisah Kurontasken kerina. Rumah-rumah si iukir alu gading iruntuhken, janah kerina rumah si mbelin Kukernepken."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA