Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sonon do hata ni Jahowa, “Halani na tolu panlanggaron ni Moab ampa halani na ompat ai seng pasuruton-Ku uhum ai, halani na tinutunganni ai holiholi ni raja Edom bahen hapur.
2 Jadi tongoson-Ku ma apuy hubani Moab, gabe panganonni ma bois benteng-benteng ni Keriot, anjaha Moab matei ma ibagas hageoron, i tongah-tongah ni surak-surak ampa sora ni tarompit.
3 Anjaha siapkonon-Ku ma panrajai hun tongah-tongahni, anjaha bunuhon-Ku ma kopala-kopalani rap pakonsi,” nini Jahowa.
4 Sonon do hata ni Jahowa, “Halani na tolu panlanggaron ni Juda ampa halani na ompat ai seng pasuruton-Ku uhum ai, ai iambungkon sidea do titah ni Jahowa, anjaha seng idalankon aturan-Ni, tapi sisombahon parladung ni sidea ai do pakahouhon sidea, ai ma na niirikkon ni ompung ni sidea homa;
5 halani ai tongoson-Ku do apuy hubani Juda, gabe panganonni ma bois benteng-benteng ni Jerusalem.”
6 Sonon do hata ni Jahowa, “Halani na tolu panlanggaron ni Israel ampa halani na ompat ai seng pasuruton-Ku uhum ai, ai ijualhon sidea do parpintor marhalanihon pirak, ampa halak na miskin marhalanihon sipatu sapasang.
7 Idogei-dogei sidea do ulu ni halak na maetek ibagas orbuk ni tanoh, anjaha iusir do halak na masombuh. Rap laho do anak ampa bapani marayak boru jalang, gabe butak goran-Ku na mapansing in.
8 Ipatibal sidea do dirini i lambung ni sagala anjapanjap, i atas ni hiou gadeian, anjaha isobur anggur ni halak na hona donda ibagas rumah ni naibata ni sidea.
9 Ahu do namin na maniapkon halak Amori i lobei ni sidea, na songon gijang ni hayu ares gijangni anjaha songon jajabi Gogohni, Ahu do parsedahon buahni i atas ampa uratni i toruh.
10 Ahu do homa na mangarahkon hanima luar hun tanoh Masir, anjaha Huiring-iring do hanima ompat puluh tahun i halimisan, laho manean tanoh ni halak Amori.
11 Anjaha Ahu do na pabangkitkon deba humbani anaknima gabe nabi, anjaha deba humbani parananima gabe halak Nasir. Ai lang tongon do sonai, alo nasiam halak Israel?” nini Jahowa.
12 “Hape ipainumkon hanima do anggur bani halak Nasir, anjaha iparentahkon hanima bani nabi, ʻSeng bulih hanima manjahai.ʼ
13 Tonggor ma, odohkonon-Ku ma hanima bani ianannima, songon pangodohkon ni gareta, na gok radean.
14 Seng marguna ijai halintunon bani halak na lingkat, seng tarunsagahkon halak pargogoh gogohni, anjaha seng tarpaluah halak na borani hosahni;
15 halak parsior pe seng tahan jongjong, anjaha halak na lingkat mardalan seng tarpaluahisi dirini, anjaha sonai homa siajak huda seng tarpaluahisi hosahni.
16 Age paruhur na pag i tongah-tongah ni halak na borani, maningon talanjang maporus bani ari ai,” nini Jahowa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA