Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dob ai ipabangkit pangisi ni Jerusalem ma si Ahasia, anakni sianggian ai, gabe raja manggantihsi, ai ganup abangni domma ibunuh panrampok, na roh pakon halak Arab hu tangsi ni tentara ai. Jadi bangkit raja ma si Ahasia, anak ni si Joram, raja ni Juda.

² Marumur ompat puluh dua tahun do si Ahasia, sanggah na bangkit raja ia, anjaha satahun tumang do ia manrajai i Jerusalem. Goran ni inangni si Atalya, pahompu ni si Omri.

³ Ia pe mardalan do bani dalan ni ginompar ni si Ahab, ai inangni do panuturini, laho mangkorjahon hajahaton.

⁴ Ihorjahon do sogam ni uhur ni Jahowa, usih songon na binahen ni ginompar ni si Ahab; ai dob matei bapani, sidea do gabe panuturini bahen hamagouanni.

⁵ Iirikkon do homa riah ni sidea, ai do ase bingkat ia rap pakon si Joram, anak ni si Ahab, raja ni Israel, laho marporang dompak si Hasael, raja ni Aram hu Ramot-Gilead. Tapi ugahan do si Joram ibahen halak Aram.

⁶ Dob ai mulak ma ia hu Jesreel, laho patambarhon ugahni, na mangonai hu bani i Ramot, sanggah na marporang ia dompak si Hasael, raja ni Aram. Dob ai tuad ma si Ahasia, anak ni si Joram, raja ni Juda, laho manonggor si Joram, anak ni si Ahab, i Jesreel, ai boritan do ia.

⁷ Tapi marharorohan humbani Naibata do parrohni ai, parohkon hamagouan hubani si Ahasia. Ai dob das ia hujai, bingkat ma ia pakon si Joram manjumpahkon si Jehu, anak ni si Nimai, na dob mininakan ni Naibata, laho mamboiskon ginompar ni si Ahab.

⁸ Anjaha sanggah na mandalankon uhum ai si Jehu hubani ginompar ni si Ahab, jumpahsi do kopala-kopala ni Juda pakon anggi ni sanina ni si Ahasia, anjaha ibunuh ma sidea.

⁹ Ipindahi ma pakon si Ahasia, gabe tartangkap ma ia, sanggah na marponop ia i Samaria, anjaha tarboan ma ia hubani si Jehu, dob ai ibunuh ma. Itanom sidea ma ia, ai nini sidea, “Pahompu ni si Josafat do ia, na mangindahi Jahowa humbani bulat ni uhurni.” Anjaha seng dong be humbani ginompar ni si Ahasia, na sanggup mandalankon harajaon ai.

¹⁰ Tapi dob ididah si Atalya, inang ni si Ahasia, na dob matei anakni ai, laho ma ia, anjaha ibunuh ma ganup ginompar ni raja Juda.

¹¹ Tapi ibuat si Josabat, boru ni raja Joram ai ma si Joas, anak ni si Ahasia, anjaha iluahon ma ia hun tongah-tongah ni anak ni raja ai, ai ma sibunuhon ai hinan, anjaha ibahen ma ia rap pakon parorotni hu sada kamar podoman. Jadi iponopkon si Josabat, boru ni Raja Joram ampa parinangon ni malim Joyada ma anak ai (ai botou ni si Ahasia do ia) hun lobei ni si Atalya, gabe seng saud tarbunuh ia.

¹² Marponop ma ia rap pakonsi ibagas rumah panumbahan ai onom tahun dokahni, sanggah si Atalya manggomgomi tanoh ai.

2 Tawarikh

Video 2 Tawarikh 22

Ikuti Kami:

KONTAK | PARTISIPASI | DONASI