Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali yako pamporayang i mPue Allah, see naka Ia mansarumakaka kami mapalaong mampakarebaka kareba to bou. Wali see naka kami taa mawali mayu’u raya mami mangika palaong to etu.
2 Pei kami roomo mamposaka yau palaong to masipato rawuni pasi to masipato rapokea. Pasi kami taa mangantipu sa’e, pasi tempo mampakarebaka tuntu i mPue Allah kami taa mangawali yau batuanginya. Kasimbalinya yako etu, kami mampakanasaka kojo resi tau anu to monso see samparia tau damatantu kojo ri rayanya kami maya rasarumaka. Pasi i Pue Allah semo matamanasa mami tempo mangika palaong to etu.
3 Pei re’e tau to ewa rabombong yau pampobuuka nsira see taa kojo nansani batuanginya kareba matao to ipakarebaka mami etu. Pei ojo tau to darapakaja’aka yau semo to rabombong yau pampobuuka nsira etu.
4 Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.
5 Wali etu semo sabanya naka pei sira taa mangaya kareba to ipakarebaka mami etu, si’a saba kareba etu taa matao. Apa anu to ipakarebaka mami resi tau, si’a mangkonong koro mami. Kami mampakarebaka resi tau mangkonong anu to monso, etu semo i Kerisitu Yesu, Ia semo Pue. Pei to kami manganto’o mangkonong kami tempo mampakareba kareba etu ojo si’i, kami rapokau resi komi damawali to papolaong ngkomi apa saba palaong to naika i Yesu. Wali ewa wetu gombo mami.
6 Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.
7 Wali kami nasarumakaka i mPue Allah mampakarebaka resi sa’e mangkonong kayawaNya etu to raporapaka ewa kasugi to bae kojo. Pei kamonsonya tempo kami mampakarebaka kareba etu kami tare karoso mami. Kami raporapaka ewa kura tana to taa maroso pei to napake i mPue Allah mangkalisoka kasugiNya etu. Naka pei i Pue Allah mangampake kami to taa maroso si’i, see damanasa resi sa’e kuasa to bae kojo to re’e resi kami etu, si’a kami pu’unya. I Pue Allah semo pu’unya.
8 Wali kami mangarata samparia ngaya ngkasusa, pei kami taa nanangi ngkasusa etu. Pasi matempo-tempo kami bata-bata raya mami, pei taa pura yau pansarumaka mami.
9 Kami nasesai ntau, pei kami taa napiyaika yau i mPue Allah. Pasi kami natidas ntau sampe tisiba yau ri wawo ntana, pei kami tawa mate yau.
10 Wali koro mami sangkani mangarata kasesa ewa kasesa to narata i mPue Yesu ri tempo kapateNya. Apa ri raya ngkatuwu mami tare pandoonya tau mangika songka rani mampopate yau kami apa saba kami mangika palaong i Yesu. Pei i Yesu sangkani mangansawang kami, see naka manasa resi sa’e monso pu’u Ia tuwu muni. Wali nempo koro mami si’i mayu’u pasi re’e temponya damate yau, pei tempo si’i i Yesu mangawaika kami karoso, see manasa resi sa’e monso pu’u Ia tuwu muni yako ri kapateNya.
11 (4:10)
12 Wali ri rayanya kami mampakarebaka kareba matao, sangkani re’e tau to rani mampopate yau kami. Pei taa mawei, apa yako palaong mami etu see naka komi mangayamo pasi roomo mangarata katuwu to singkasaenya.
13 Wali ane tau sangkani rani mampopate yau kami, maka pei kami tiroowa magombo mangkonong pangaya mami? Kami tiroo magombo apa re’e gombo to ratulis ri raya ntuntu i mPue Allah to manganto’o, “Aku mangaya, wali see naka aku magombo.” Wali ewa wetu to ratulis. Pasi ewa see seja pangaya mami, apa kami seja mangaya see naka nempo re’e tau to rani mampopate yau kami, kami tiroo magombo mangkonong pangaya mami etu.
14 Apa kami mangansani i Pue Allah roomo mangawangu muni i Pue Yesu yako ri kapateNya, pasi Ia semo to damangawangu muni seja kita apa saba kita samba’a pei i Yesu. Pasi Ia damangkeni kami sindarandara pei komi damampotango Ia. Wali see naka kami sangkani magombo mangkonong pangaya mami etu.
15 Wali samparia kasesa to narata mami tempo kami mampakarebaka komi kareba matao, paka bae batuanginya resi komi. Apa kanjo’u-njo’u kaboro-boros komi to mangarata kanoto i mPue Allah, panewa kaboro-boros tau to manganto’oka Ia tarima matao. Wali yako palaong to etu see naka tidugadugang tau mangabarong kayawa i mPue Allah.
16 Wali see naka kami taa mosa raya mami mangika palaong to etu. Apa nempo koro mami si’i kanjo’u-njo’u kayu’u-yu’u, pei raya mami ponto-ponto eo rapakaroso.
17 Apa kasusa to kami mangarata taa mabeu ane rapasewajuka pei kayawa to kami damangarata ri tempo to darata. Kayawa etu semo to bae-bae pei kasusa to kami mangarata tempo si’i. Kasusa etu taa masae pei kayawa etu singkasaenya.
18 Wali kami taa mosa mangika palaong mami, apa re’e to mampakaroso raya mami. Wali ewa si’i, si’a anu to rakita to kami mampobuu-buuka, kami mampobuubuuka anu to taa rakita. Apa anu to rakita, anu to etu taa singkasaenya, pei anu to taa rakita, etu semo to singkasaenya.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA