Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tiang, Paulus, dengan saq teparan ndẽq bani lamun berandangan mue kance side, laguq bani lamun jaoq lẽman side, tiang peringet side demi Almasih saq lemah lembut dait gerasaq.

² Sanget siq tiang tunas ndaq miaq tiang jari bani lẽq side pade lamun tiang dateng laun. Sẽngaq tiang beniat gen teges lẽq dengan-dengan saq paran bahwe tiang pade begawẽan siq tujuan duniawi.

³ Mule tiang pade masih idup lẽq dalem dunie, laguq perjuangan tiang pade ndẽqne siq dasar tujuan duniawi.

⁴ Senjate-senjate saq tiang pade kadu lẽq dalem perjuangan tiang pade ndẽqne senjate dunie niki, laguq senjate-senjate Allah saq bekuase. Siq senjate-senjate nike tiang pade ngancurang bẽntẽng-bẽntẽng.

⁵ Tiang pade ngancurang pikiran-pikiran saq nyesatang dait segale macem kesombongan saq nentang penenaoq jari kenal kance Allah. Tiang pade taklukang pikiran dengan-dengan dait miaq ie pade taat tipaq Almasih.

⁶ Dait lamun side pade sampun tetu-tetu taat, tiang pade siep jari ngukum selapuq kedurhakean.

⁷ Side pade harus sadar berembẽ keadaan saq setetune. Lamun sopoq dengan tetu-tetu yakin bahwe ie dowẽn Almasih, ie harus ngingetang diriqne mẽsaq dait sadar bahwe tiang pade jari dowẽn Almasih ẽndah maraq ie.

⁸ Tiang ndẽq ilaq lamun tiang harus luwẽqan bangge-banggeang kekuasean saq sampun teicanin siq Tuhan tipaq tiang pade, sẽngaq kekuasean nike teicanin jari ngebẽng semanget lẽq side pade, ndẽqne jari nyenyẽdaq.

⁹ Tiang ndẽq mẽlẽ side pade merase bahwe tiang nakut-nakutin side pade kadu surat-surat tiang.

¹⁰ Lantaran araq bebase, "Surat-surat Paulus nike teges dait bedowẽ wibawe, laguq lamun ie mẽsaq araq lẽq tengaq-tengaq ite, pribadine lemah dait ucapan-ucapanne ndẽq bedowẽ arti napi-napi!"

¹¹ Dengan saq maraq nike seharusne sadar bahwe lamun tiang pade araq lẽq tengaq-tengaq side pade, perbuatan tiang pade tepat maraq saq tiang pade tulis lẽq dalem surat-surat tiang pade.

¹² Pasti tiang pade ndẽq bani bandingang atao anggep diriq tiang pade sederajat kance dengan-dengan saq nganggep diriqne atas derajatne. Berembẽ bodone ie pade! Ie pade miaq ukuran mẽsaq dait nilai diriqne mẽsaq kadu ukuran nike.

¹³ Tiang pade ndẽqne maraq nike. Lamun tiang pade bangge-banggeang diriq, tiang pade ndẽq keliwat bates. Tiang pade tetep lẽq dalem bates-bates daẽrah pegawẽan saq sampun tetentuang siq Allah umaq tiang pade. Dait side pade termasuk lẽq dalem daẽrah nike.

¹⁴ Jari, sewaktu tiang pade jangoq side pade dait jauq Kabar Solah mengenai Almasih tipaq side, tiang pade ndẽq sugul lẽman bates-bates daẽrah pegawẽan tiang pade.

¹⁵ Tiang pade ndẽq puji diriq lẽq pegawẽan dengan lain saq araq lẽq luah bates saq tetentuang siq Allah tipaq tiang pade. Sebalikne tiang pade tetep lẽq dalem bates-bates saq tetentuang siq Allah lẽq tiang pade dait beharep bahwe side pade sayan percaye lẽq Almasih, adẽq tiang pade bau ngelaksaneang pegawẽan saq belẽqan lẽq antare side pade.

¹⁶ Siq care nike tiang pade bau beriteang Kabar Solah nike lẽq negeri-negeri lain siq care ndẽq bangge-banggeang diriq lẽq pegawẽan saq sampun telaksaneang lẽq wilayah pelayanan dengan lain.

¹⁷ Lẽq dalem Kitab Suci tetulis, "Dengan saq mẽlẽ banggeang sopoq hal, seharusne banggeang napi saq sampun telaksaneang siq Tuhan."

¹⁸ Sẽngaq ndẽqne dengan saq puji diriqne saq tahen uji, laguq dengan saq tepuji siq Tuhan.

2 Korintus

Video 2 Korintus 10

Ikuti Kami:

KONTAK | PARTISIPASI | DONASI