Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tanu ngaro kotosuratuawau nginika ma ngale 'o ro-riwo gee ne'ena naga niosidingoto 'o Yahudi ma nyawaka gee yongaku-ngaku ma Kristusika, gee yogogere 'o Yerusalemuoka.

² Ngoi tanako ngini nioduaka nioriwo, de 'o Makedonia ma nyawaka tosidemokau 'ato 'isure sababu nioduaka nioriwo. Ngoi tongose mita 'onaka 'ato kadokae ma taunu 'ipasa-pasasi ngini 'o Akhaya ma nyawa niomanoa-noa 'o Korintus ma kotaka niadua-duangou ma ngale niokula 'ania ro-riwo. De 'ania magae 'o pipi niokula ge'ena 'o Makedoniaka manga gudaiou yomaduruokau.

³ Ne'ena ngoi takisuloko 'o Titus de nanga 'esa moi yamididi go'ona yotagi nginika la 'isoka ngomi miongosekau 'ato ngini ge'ena nioduaka nioriwo, ge'ena 'uwa ka ma demoka duga. So ngini salingou niomadudu-duangou, sababu ngoi tosidemokau 'onaka 'ato ngini niomadudu-duangou.

⁴ Ngoi tododato nako dua 'o Makedonia ma nyawa yomoteke de de ngoi gee ngoi totagi nginika 'o Korintusoka, de nako 'ona yoboa 'ena ngini konialomunowasi 'o pipi gee niosiriwo-riwo, tei, dua ngomi posironga mimaekoka. Sababu miongosekau 'ato ngomi ma gou-goungu miningaku ngini! So ngini ma sirete mita dua nimaeke.

⁵ Ge'enau so ngoi tamaoku 'iparaluu ma sala takisuloko 'ona yosira nginika la ya'aturu 'o ro-riwo gee niosijajiokau. Ngoi tadiai koge'ena la gee dua nako ngoi toboa, 'ania ro-riwo ge'ena 'idua-duangou. De ma ngekomo ge'ena, 'iwaiti 'ato 'ania ro-riwo ge'ena niokula de nia singina 'isa-sanangi, de konimapakisaanowa.

⁶ Niongano-nganono nago'ona 'o fini yomatuduku ka ma eta, 'asa ya'ese ma gilio mita ka ma etaka. Ma 'o nyawa gee 'o fini yomadutuduku 'iamoko, 'asa ma giliono mita 'iamooka.

⁷ 'O nyawa moi-moi salingou yokula moteke to 'ona manga mau. 'Uwa yokula de manga singina 'ilio-lio bolo kayomapakisaa, sababu ma Jo'oungu ma Dutu wakisibosono 'o nyawa gee yokula de manga singina 'isa-sanangi.

⁸ Ma Jo'oungu ma Dutu wokuasa wokula nginika 'o co-catu padoimi pa'akunuwa, la ngini kaitaurika de ma 'ena 'okia naga gee niaparaluu; de ngini 'asa 'ifoloika niodiai yaowa-owa de niotabariwo.

⁹ 'O Buku 'Itebi-tebininoka 'isilefoku koneda, "'Una wi co-catu koitoa-toakuwau 'o nyawa yosa-saigalerika, 'awi singina ma sure koitogu-togumuwa."

¹⁰ Ma Jo'oungu ma Dutu 'o fini wosidadiku ge'ena ma ngale ngone patuduku, deika ma fini ma sowoko ge'ena ma ngale nanga 'inomo. Koge'enali mita 'okia naga gee nginioka, ma Jo'oungu ma Dutu 'asa kawadogo monga, so ngini nioduaka 'o nyawa niakiriwo kaidogo monga.

¹¹ Ma ngekomo ge'ena, ngini 'asa konisidukuranguwa naga 'o sagala moi-moioka, so ngini 'idadi niokula de nia singina 'isa-sanangi. De 'o pipi niolomu-lomuno gee miosibula-bula ge'ena, ma duanguku 'o nyawa manga gudai yo'amalaha ma Jo'oungu ma Dutuka.

¹² Sababu 'ania di-diai 'isure-sure ma ngale niokula 'o ro-riwo, ge'ena niositotomo ma Jo'oungu ma Dutu 'awi 'umati manga paraluu, de mita 'o nyawa manga gudai 'asa yo'amalaha ma Jo'oungu ma Dutuka.

¹³ De nia manarama yaowa-owa gee niosidumu-dumutu ge'ena, 'o nyawa yongaku-ngaku manga gudai 'o Yerusalem ma kotaka 'o Yudea ma daeraaka 'asa wisiarene ma Jo'oungu ma Dutu, sababu yamake ngini nimasiga-gao ma gou-goungu ma Kristus 'awi Habari ma Owaka gee niamote-moteke. Mita 'ona wisiarene ma Jo'oungu ma Dutu sababu nia singina posironga 'isureka ma ngale niakisibula-bula 'o jamatika 'o Yerusalemuoka de 'o nyawa 'ireguka 'okia naga gee nginioka de ma 'ena.

¹⁴ So 'ona 'asa nisilahidoa ma de nidora ma sala, sababu ma Jo'oungu ma Dutu 'awi singina posironga 'isureka nginika.

¹⁵ Ngone salingou po'amalaha sababu ma Jo'oungu ma Dutu 'awi co-catu posironga ma amoko.

2 Korintus

Video 2 Korintus 9

Ikuti Kami:

KONTAK | PARTISIPASI | DONASI