Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Setemonni mak perlu lagi nyak nulis jama keti tentang bantuan sai lagi dikirim jama umat-Ni Allah di Yudea.

² Nyak pandai keti gering nulung, rik nyak radu ngebanggako keti jama jelma-jelma di Makedonia. Nyak ngucakko jama tian, bahwa radu jak tahun sai radu puari-puari di Akhaya radu siap untuk ngeniko sumbangan. Rik semangatmu radu ngobarko juga semangat lamon jelma jak tian.

³ Tano nyak ngutus Titus rik kerua puari udi jama niku in api sai sekam bangga-banggako tentang keti dang merupako balak awak. Jadi, keti hagani radu siap, mani nyak ngucakko jama tian bahwa keti radu siap untuk seno.

⁴ Nyak khuater kintu-kintu wat jelma-jelma Makedonia sai nutuk jama-jama nyak kanah waktu nyak ratong jama niku. Rik kik tian ngehalu bahwa keti makkung siap, wah, hara liamni sekam kanak, mani radu ngucakko bahwa sekam percaya nihan jama niku! Rik keti tenggalan pun haga meliam juga.

⁵ Udido sebabni nyak ngerasa perlu ngutus tian udi jama niku mena pai untuk ngurus sumbangan sai keti janjiko ano. Kulakuko ano in kanah kik nyak ratong, pengenian keti ano radu siap. Jama injuk reno, nyatado bahwa pengenianmu ano dikeniko jama senang hati, rik lain ulihni tepaksa.

⁶ Ingokdo! Jelma sai nabor benih cutik-cutik haga nguyut hasil sai cutik muneh. Kidang jelma sai nabor benih sai lamon-lamon haga nguyut hasil sai lamon muneh.

⁷ Unggal jelma harus ngeni nutuk kerilaan hatini. Dang ia segan-segan ngeni atau ulihni tepaksa, mani Allah mengasihi jelma sai ngeni jama senang hati.

⁸ Allah bekuasa ngeni jama keti berkat sai melimpah-limpah, in keti selalu ngedok api sai keti butuhko; bahkan keti haga berlebihan untuk ngelakuko sai betik rik beramal.

⁹ Delom Alkitab tetulis injuk reji tentang Allah, "Ia ngehambor-hamborko jama jelma mejerih; kebetikan hati-Ni kekal selama-lamani."

¹⁰ Allah sai nyediako benih untuk si penabor rik kanikan untuk ram. Ia juga haga nyediako rik nyani lamon api sai keti tabor, in hasil kemurahan hatimu betambah muneh.

¹¹ Jama injuk reno keti haga serba cukup delom sunyin hal sehingga keti selalu dapok ngeni jama murah hati. Rik pengenian-pengenianmu sai sekam bagi-bagiko, nyebabko lamon jelma ngucapko terima kasih jama Allah.

¹² Mani perbuatan betik sai keti lakuko inji lain angkah haga nyukupi kekurangan umat-Ni Allah gaoh, kidang juga haga nyebabko lamon jelma ngucapko terima kasih jama Allah.

¹³ Rik jak kebetikan sai keti tunjukko ano, lamon jelma Kristen di Yudea haga memuji Allah mani tian ngeliak kesetiaanmu tehadap Kabar Betik tentang Almasih sai keti tutuk ano. Juga, tian memuji Allah, mani keti murah hati nihan untuk ngebagi-bagiko jama tian rik jama sunyin jelma bareh api sai wat jama niku.

¹⁴ Maka tian haga ngeduako keti jama perasaan kasih sayang mani Allah betik hati nihan jama niku.

¹⁵ Hagani ram besyukor jama Allah atas pengenian-Ni sai luar biasa udi!

2 Korintus

Video 2 Korintus 9

Ikuti Kami:

KONTAK | PARTISIPASI | DONASI