Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ngomi mia'ao 'o manarama ne'ena sababu ma Jo'oungu ma Dutu wi singina ma sure. Sababu ge'ena ngomi 'amia singina koi'oguwa.

² Ngomi komiodiaiwa 'o manarama gee 'inasimae-maeke. Ngomi miooluku miosiliba bolo miakapulutu ma Jo'oungu ma Dutu 'awi demo, ma 'ena miosidumutu gee yadae-daene. Sababu ge'ena ma Jo'oungu ma Dutu wi bionoka ngomi miomau 'o nyawa 'iodumu milega ma diai yosidi-diai manga singinaka.

³ Nako 'o Habari ma Owa gee miositota-totara ge'ena mita koyasahewasi, ge'ena koyasahewa duga ka 'o nyawa gee naga yosikaika 'o bahayaka.

⁴ 'O Tokata ma Koana gee yaparetano 'o dunia ne'ena, yatamunu 'o nyawa-nyawa gee koyongaku-ngakuwa manga di-dibangi. 'Enau yakikatatoko la 'ona koyamakewa 'o siwara gee 'o Habari ma Owano ma ngale ma Kristus 'awi kumati, ge'ena la ma Jo'oungu ma Dutu wi dulada.

⁵ 'O habari gee miositota-totara, ge'ena ko ngomiwa ma sirete mimasihabari. 'O habari ge'ena ma ngale ma Yesus Kristus, 'una ge'ena la ma Jou, de ngomi ne'ena minileleani ngini sababu 'una.

⁶ Ma Jo'oungu ma Dutu ma sira wongosekau, "'O darusino 'ibaoro 'o darangi." Ma Jo'oungu ma Dutu gu'unau mita gee wosibaoro 'o darangi ge'ena to ngone nanga singinaka, la nanga singina 'ikinitara ma ngale pasahe ma Jo'oungu ma Dutu 'awi kumati gee 'iletongo ma Kristus wi bionoka.

⁷ Ma 'o Habari ma Owa ma ngale ma Kristus ge'ena la 'o harataa 'isure-sure ma Jo'oungu ma Dutuno gee ngomi mia'asa-'asa, ngomi gee mia roese gee koikua-kuatuwa ma 'asali 'o tonakino ne'ena. Ma ngekomo ge'enau 'iwai-waiti monga 'ato 'o kuasa ma amoko ge'ena naga ma Jo'oungu ma Dutuoka so ko ngomiokawa.

⁸ Ngomi misikasangisara kiano naga bato, ma ngomi komisidebe'etoruwa. Ngomi komiosikanakowau 'okia salingou miadiai ma mia singina koi'oguwa.

⁹ Manga gudai mihalebiru, duga ma Jo'oungu ma Dutu koma'iwa misimadaka ka ngomioka. De ngaro do'oaka ngomi mipesana sigado miosidu-duruba, ma komiosongenuwa.

¹⁰ Ngomi kaitaurika miamaoku miosongenou 'isoka 'o Yesus, la 'iwaiti 'ato 'o Yesus wo'ahu ngomioka.

¹¹ Ngomi kamio'ahu-'ahuosi ne'ena, kaitaurika yomau kamito'oma sababu 'o Yesus mimoteke, la ma ngekomo ge'enau, 'o nyawa 'asa yamake 'ato 'o Yesus wo'ahu ngomioka gee mia roese koika-kakaliokawa ne'ena.

¹² So ngaro naga yosikanonu-nonu yomau miso-songene, ma ma duanguku ngini niamake 'o laha.

¹³ 'O Buku 'Itebi-tebinoka naga 'ingose konee, "Ngoi towingaku ma Jo'oungu ma Dutu, sababu ge'ena ngoi tobi-bicara." Koge'enali mita ngomi, ngomi miobi-bicara sababu miongaku.

¹⁴ Ngomi miongaku ma Jo'oungu ma Dutu gee wisimomikokau ma Jou Yesus, 'una 'asa misimomikoli ngomi la mio'ahu de 'o Yesus, de wonakoki'asa 'awi bionika.

¹⁵ 'Iodumu ge'ena ma ngale to ngini nia laha. De gee 'o nyawa manga gudai yamake ma Jo'oungu ma Dutu 'awi singina ma sure, de kaikudai monga manga 'amalaha yositedene ma Jo'oungu ma Dutuka. De koge'enau so ma Jo'oungu ma Dutu wisiarene.

¹⁶ Ma sababu ge'enau so ngomi mia singina koi'oguwa. Ngaro ngomi mia roese kaisiika monga 'ibolohi, ma mia ngo-ngaku ma Jo'oungu ma Dutu wosikuata 'o wange 'isinoi-noimi.

¹⁷ De dua ma du'uruku posironga miosanangioka de posironga miokumatioka kaisi'ado-'adonika, so 'o sangisara 'itu-tubuso ne'ena ma miamaoku rekeni koitubusowa. 'O sanangi de 'o kumati ge'ena 'ifoloiosi 'iamoko nako posikatero de 'o sangisara ge'ena.

¹⁸ Ngomi komiakalesanguwa 'o susa de 'o sangisara gee pamake-make 'o duniaka ne'ena, ma 'ena 'o sanangi gee ne'ena kopamake-makewasi. 'O susa de 'o sangisara ge'ena koikakaliwa ma 'o sanangi ge'ena koge'enau kaisi'ado-'adonika.

2 Korintus

Video 2 Korintus 4

Ikuti Kami:

KONTAK | PARTISIPASI | DONASI